Mark 6:4 - Udél Dwata: Gna Kesfasad ne Lomi Kesfasad

⁴ Mon Jisas mò kul, “Yóm tugod Dwata, laen kô dù madat du bè hol kun benwu. Dalang se yó kem hol kun fes lówó, là kô nadat le du. Tek són yó kem dumu tau bè tólóng benwu madat du.”

Mark 6:4 Referans Kwoze

Kun Snulat Jan 4:44

Deng tehe mon Jisas, monen, “Yóm tugod Dwata, laen kô dù madat du bè hol kun benwu.”

Kun Snulat Luk 4:24

Okóm tódô tulónu kuy ktahuhen,” monen, “là kô hol henmóyô le du bè kun benwu yóm tugod Dwata.

Matyu 13:57

Ne yó se gónó le kembê du. Mon Jisas mò kul, “Yóm tugod Dwata, laen kô dù madat du bè yóm hol kun benwu. Dalang se yó kem hol kun fes lówó, là kô nadat le du. Tek són yó kem dumu tau bè tólóng benwu madat du.”

Jirimaya 12:6

Balù yó hem logi hol dumum sulil-lem hol kóm fes lówó, deng gbót hohon le uu. Hol béem abay snalig lu baluen ke tey tilob kmò le ebéléem.” Là gomongen bè nili yóm bérs 7 kól bè bérs 13. Yó tulónen bè ni kem bérs ni yóm alì kekbê Dwata du yó kem salà nmò yó kem tauhen, lelen tey sidek kegnómen du yóm tódô kbayaen kul elem hólól yó kem hohon le, yó kem tau angat gemlà kul ne gembà yó kem benwu gónó le nô.

Mark 6:1

Bud kewót Jisas bè yó, mulék ebè kun benwu, mung du yó kem gel lemolò du.