Mark 6:39 - Udél Dwata: Gna Kesfasad ne Lomi Kesfasad

³⁹ Omin Jisas mdók yó kem gel lemolò du anì senbung hyón le lu yó kem tau bè yóm gónón ukol bnes.

Mark 6:39 Referans Kwoze

1 Kurin 14:40

Bede bè yóm kdê nmò ye bè yóm gel ksimba ye, hentilob ye mò du anì gdilô yóm kessadat ye.

1 Kurin 14:33

Abay se là kô nóyô Dwata du yóm mudél seblang sok tekuy stifun. Hyu ke na tekuy gel stufì sok kuy mudél anì menek kegnóm tekuy du. Wen sotu gel hlolò me bè yó kem tau hemtahu bè Dwata bè yó kem dumu benwu gbak ebè yó kem libun.

Matyu 15:35

Omin Jisas gotu hyón kul yó kem tey tau wen.

1 Bok Kem Tau Hol Geta 10:5

Ya tey sidek ketngahen. Ne bud tenngahen yó kem tey dê ken kay le eta yó kem lemisa Selumun. Bud tngahen snéen yóm ktonen yóm ktilob kekdol yó kem genlalen ne yóm ktilob knes le, dalang se yóm kul knes yó kem tau gel mkay bélê le ninum. Bud sidek ketngahen du snéen bè yóm tey dsù gel hkekeb Selumun bè Gónô Dwata.

Mark 6:38

Bud mon Jisas se, “Hnénég ye kun ke hilu botù mambang nô bélê ye bè yó.” Tahu se, hnénég le, ne mon le, “Limu botù mambang, ne lewu tedek utón él.”

Mark 6:40

Tahu se, gotu hyón le lu, ket na lematu yóm sotu bungen, ne wen se limu folò.

Kun Snulat Luk 9:14

Blaem wen dô limu libu logi bè yó. Okóm mon Jisas mò yó kem gel lemolò du, monen, “Hyón ye lu dé ni kem tau ni, ket na limu folò kmò kesbung ye kul.”

Kun Snulat Jan 6:10

Ne mon Jisas se mò kul, “Hyón ye lu dé yó kem tau.” Uma kóm wen gónón ukol bnes bè yóm gónó le nô yó. Ne tahu se, gotu le myón yóm le. Yó kwen kem logi, botong limu libu.