Mark 6:38 - Udél Dwata: Gna Kesfasad ne Lomi Kesfasad

³⁸ Bud mon Jisas se, “Hnénég ye kun ke hilu botù mambang nô bélê ye bè yó.” Tahu se, hnénég le, ne mon le, “Limu botù mambang, ne lewu tedek utón él.”

Mark 6:38 Referans Kwoze

Mark 8:5

Ne bud mon Jisas se, “Hilu botù de mambang nô bélê ye?” Mon le se, “Tek hitu.”

Matyu 15:34

Bud mon Jisas se, “Hilu botù de mambang nô bélê ye?” Mon le se, “Tek hitu botù ne wen ngà utón élen.”

Kun Snulat Jan 6:9

“Wen ngà mit bnotu bè ni, limu botù mambang ne lewu tedek utón él. Okóm tô kmò le kul du ni kem tey tau wen nii?”

Kun Snulat Luk 9:13

Okóm mom yó mon Jisas mò kul, “Tódô yu ne hemken kul.” Bud mon le se, “Són nô bélê me bè ni, tek són limu botù mambang ne lewu tedek utón él. Yó kô kóyóem ke ne me e bemli ken bè ni kem tey genged tau ni?”

Mark 6:37

Okóm mon Jisas, “Tódô yu ne hemken kul.” Bud mon le se, “Ê, sukéy sotu tau bè wolu bulón gbek ken le ni kem tey tau ni. Móyói kô ke mógów me ne me e bemli bélê le mò ken le?”

Mark 6:39

Omin Jisas mdók yó kem gel lemolò du anì senbung hyón le lu yó kem tau bè yóm gónón ukol bnes.