Mark 6:34 - Udél Dwata: Gna Kesfasad ne Lomi Kesfasad

³⁴ Timbow le dmuung le Jisas, tódô glo le yó kem tey tau wen. Ya tey kkodu Jisas kul, abay se lómón tô le ubiha laen mdengen semgyok kul. Ominen tódô mbut tmolok kul bè yó, ne tey dê toloken kul.

Mark 6:34 Referans Kwoze

Matyu 9:36

Bè yóm gel ktonen yó kem tey tau wen gel sbung ebéléen, tey kkoduhen kul, abay se tey dê gónó le glayam, ne laen kô dù tmóbóng kul. Lómó ktonen kul, lómón yó kem ubiha laen dù tau mdengen semgyok kul.

Lista 27:17

yóm tau gbeken malak kul ebè gida anì là mkél le bè yó kem ógóf laen dù malak kul.”

Kun Snulat Luk 9:11

Timbow glileb yó kem tey tau sbung yóm kógów le yó, gbót le kemtes huli se kul. Ne là se kem dog kenbê Jisas kul. Tulónen kul yóm kun kmò kogot tau Dwata, ne kóhen se yó kem gemnóm des bélê le.

Sikaraya 10:2

Abay se yó kem dwata kéng gel tnaba le bè gónô le, gel le tmulón kéng. Dalang se yó kem gel hemgawang, kéng yóm gel tulón le. Ne yóm lan kna gel tulón yó kem dumu tau, là tahuhen. Laen kô dù gónó le temgel nawa tau yóm kdê le. Yó gónóm mon, laen kô dù mdengen lan lolò le yó kem tau, mkél le bè yó kem ubiha tabag, laen dù tau mdengen semgyok kul ne malak kul.

2 Tutul Israél 18:16

Omin Mikaya mon du mò du, “Wen hton Dwata dou. Tódô tonu yóm kdéen tau Israél, deng le gotu sekla ta yó kem bulul lómón ke kem ubiha laen dù tau bud semgyok kul. Ne yó mon Dwata, ‘Laen dù tau malak kul ni kem tau ni, deng matay. Hulékem lu anì menek nawa le.’ ”

1 Bok Kem Tau Hol Geta 22:17

Omin Mikaya mon du mò du, “Wen hton Dwata do. Tódô tonu yóm kdéen tau Israél, deng le gotu sekla ta yó kem bulul lómón tô le kem ubiha laen dù tau mentey kul. Ne yó mon Dwata, ‘Deng matay yóm tau malak kul. Hulékem lu anì menek nawa le.’ ”

Hibru 4:15

Yóm gel blóng tekuy ebè Dwata yó, deng gotu tngónen yóm gónó tekuy gel lunog, ne tey kkoduhen tekuy. Abay se bè yóm tehe knóen te tonok, deng gnómen se kun yóm kdéen sindil lómón yóm tekuy, okóm là gemsalaen yó yóm kun.

Matyu 14:14

Timbow dmuung le Jisas, tódô tonen yó kem tey tau wen deng gna ebè yó. Ya tey kkoduhen kul, gotu hkóhen yó kem des le.

Hibru 2:17

Bè yóm któbóngen tau, là gbeken du ke là nan tódô hbaling tau anì mkél bélê tekuy kem dumuhen setwoli. Yó gónón na gbót bè yóm kmò tekuy anì du mò blóng tekuy ebè Dwata, ne anì là mili nawahen mò du bélê tekuy, ne anì hol knoduhen tekuy. Bè yóm keseblóngen yó, yó se gónó Dwata hmifót salà tekuy.

Matyu 15:32

Omin Jisas tmaba ebè yó kem gel lemolò du, ne monen mò kul, “Tey klayuk nawahu kul ni kem tau ni. Deng tlu kdaw le ni ne nô béléu bè ni, laen kô dù bud ken le. Ne là se móyóe tódô hulék kul là mken, kô lenmek le gu bè lan.”

Isikél 34:5

Yó gónóm mon, tódô le gotu sekla yó kem dou ubiha lanen laen dù tau semgyok kul. Tey mahil bè yó kem ógóf lem bnes msék kul.

Mark 6:33

Okóm tey dê tau mton kul bè yóm kewót le, ne dilô le lu. Yó nmò le, lemwót le se kul bè yó kem kul benwu, tódô le hetlasik mentad hilol lanaw, ne deng le mom gna kól ditu kul.

Mark 6:35

Timbow deng móyón kimel, mógów le ebè Jisas yó kem gel lemolò du, mon le, “Deng tey móyón kimel ne, lelen là moni bè tau nim benwu ni.

Mark 8:1

Sotu kdaw bè yó, tey tau wen bud stifun ebè Jisas. Timbow laen dù bud ken le, tnaba Jisas ebéléen yó kem gel lemolò du, monen mò kul,

Mark 8:2

“Tey kkoduhu kul ni kem tau ni. Deng tlu kdaw le ni ne nô béléu bè ni, ne laen kô dù bud ken le.