Mark 6:32 - Udél Dwata: Gna Kesfasad ne Lomi Kesfasad

³² Tahu se. Kewót le bè yó són lu, smakay le ówóng, mógów le ebè yóm gónón tinof.

Mark 6:32 Referans Kwoze

Mark 6:45

Omin Jisas hotun kul elem ówóng yó kem gel lemolò du, hegnahen lu efatu yóm lanaw bè yóm benwu boluyen Bitsayda, ominen yó bud hulék yó kem tey tau wen.

Mark 4:36

Tahu se, tódô tnagak le yó kem tey tau wen, ne motun le elem yóm ówóng gónó Jisas myón, ne omin le lemwót. Ne wen se kem dumu tau mówóng mung kul.

Mark 3:9

Ya tey tau wen segdendel ebéléen, botong hwahen yó kem gel lemolò du yóm sotu ówóng mò gónóhen myón te él anì là katen gilad béléen yó kem tey tau.

Mark 6:33

Okóm tey dê tau mton kul bè yóm kewót le, ne dilô le lu. Yó nmò le, lemwót le se kul bè yó kem kul benwu, tódô le hetlasik mentad hilol lanaw, ne deng le mom gna kól ditu kul.

Mark 6:51

Ominen motun ebélê le lem yóm ówóng, ne tódô teflok se yóm lenos. Ya tey sidek ketnga le.

Kun Snulat Jan 6:1

Kogolen bè yó, bud lemwót Jisas efatu yóm Lanaw Galili. Sotu gel boluy le du yóm lanaw yó, Lanaw Tibiryas.