Mark 6:3 - Udél Dwata: Gna Kesfasad ne Lomi Kesfasad

³ Igoen du yóm tau gel mò gónô, ne Midi yéen, ne du se twogu le Jim ne Jusif ne Judas ne Simun, ne wen se kem libunen nô gu bè ni.” Yó se gónó le kembê du.

Mark 6:3 Referans Kwoze

Matyu 12:46

Bè yóm tolo lel Jisas mudél ebè yó kem tey tau sbung ebéléen, sut le se bè yó le yéen ne yó kem twolihen, tô le móyô stulón du, okóm olo le tódô mdà bè lewaen.

Kun Snulat Jan 6:42

Yó mon le, “Igoen ngà Jusif nim Jisas ni. Tngón tekuy maen ne yéen. Moen ke tô monen lemwót gu bè longit?”

Sulat Jud 1:1

Ou se Jud gónón lemwót nim sulat ni. Ou se yóm sotu tau mò tóbóng lówó Jisas Krays, ne ou se yóm twoli Jim. Smulate ebélê ye yu kem tau deng tehe tnaba Dwata. Tey kbong nawahen kuy Dwata, yóm Mà tekuy bè longit, ne tey gel kofinen kuy Jisas Krays.

Glasya 1:19

Laen dù dumu tau tehe hógów Jisas ke tonu bè yó, tek són Jim, twoli yóm gónó tekuy mogot.

Matyu 11:6

Hligal kun yóm tau ke là megewu nawahen do.”

Kul Nmò 1:13

Timbow le kól bè Jirusalim, tódô le hlós ebè yóm dfél tofi ta bè yóm gónô gónó le gel mefet. Yó kwen le, Pitér, Jan, Jim, Andru, Filip, Tumas, Bartulumyu ne Matyu. Mung Jim ngà Alfiyus, ne yóm Simun tehe gel mung mofin yóm kul benwu, ne yóm Judas, ngà yóm sotu Jim.

Mark 15:40

Wen se kem libun nô bè yó, olo le temngel mayuk. Mung kul se yóm Midi lemwót bè Megdala, ne yóm sotu Midi yê yóm sotu Jim yóm gel mon le twoli, ne Jusif ne yóm sotu libun boluyen Selumi.

1 Kurin 1:23

Okóm bélê me kum, tek sotu yóm kum gel tulón, duhen yóm tehe ktutuk le ke Krays bè kros. Nim tulón ni, tey kekbê le du yó kem Ju. Ne bud yó kem tau là Ju le, bè kul kehedem du, hol tulón laen dù muhen.

Kun Snulat Jan 14:22

Mudél se Judas (sundu yó dum Judas ngà Iskariyut), monen mò ke Jisas, “Moen de, Sér, ke són bélê me gónóhem angat hegfan, fen là bè yó kem tau là hemtahuhen?”

Kun Snulat Luk 7:23

Tey kligal le kul yó kem tau ke là megewu nawa le dou.”

Kun Snulat Luk 2:34

Omin Simyun mni bè Dwata bélê le. Ne ominen mon du mò ke Midi, yóm yê Jisas, monen, “Nim ngà ni, deng eles nélék Dwata mò gónóhen lemwót tmafak yó kem dumu tau Israél, ne mò gónón lemwót lemwà kul gu lem hatay yó kem dumu. Du se ilô lemwót gu bè Dwata, okóm angat tey dê tau semkbê du.

Isaya 49:7

Wen udél Dwata ebè yó kem tauhen Israél yóm Dwata laen dù belenen yóm lemwà kul. Abay se ni kem tauhen ni, hono tau kenhisik kem dumu tau ne gel knutó nawa le lu yó kem dumu benwu, deng le baling hesek bè yó kem tau mogot benwu. Yó udél Dwata ebélê le, monen, “Angat ton yó kem tau hol geta yóm kegewà ye. Bè yóm kton le kuy tódô le hteneng mdà, botong lan le hol madat kuy. Gotu ton le yu se kul yó kem ngà tau hol geta. Tey keheglaan le bélê ye, botong lan le madat kuy.” Hol tahu dohò nim ni, abay se deng nélék Dwata yóm mò tóbóng lówóhen. Yóm fmasad du kuy nim ni, duhen yóm Dwata yó kem tau Israél, yóm laen kô dù belenen. Là kóen bud mulék elem baken yóm deng fasaden yó.

1 Pitér 2:4

Hol ye hloni ebéléen dé. Du se yóm bemlay du kuy yóm klowil laen dù sónen. Hol lómón ke du yóm botu deng kenbê yó kem tau gel hemdà gónô, ofo kul ke botu laen dù muhen. Igoen du he yóm botu bong muhen deng nélék Dwata.

1 Kurin 9:4

Ke nawaw hlowil bè yó kem tau gónóhu gel tmolok, wen kwalisu mò du.

Mark 3:18

Ne Andru ne Filip ne Bartulumyu ne Matyu ne Tumas ne yóm sotu Jim ngà Alfiyus ne Tadiyus ne yóm sotu Simun, yóm tau tehe mung mofin yóm kul benwu

Kul Nmò 12:17

Omin Pitér mwel sigelen ebélê le anì là kat le hebnes. Ominen gotu tmulón du kul yóm kmò kehewà Dwata du lem blanggù. “Hol tulón ye ke Jim,” mon Pitér, “ne yó kem dumu tekuy hemtahu nim deng kegewau ni.” Ominen tmagak kul bè yó, hlós ebè dumu benwu.

Kun Snulat Luk 8:20

Ne wen tau mon du mò ke Jisas, monen, “Tu dé yéem ne kem twolihem, mdà le ditu bè lewà, móyô le ston kóm kun.”