Mark 6:26 - Udél Dwata: Gna Kesfasad ne Lomi Kesfasad

²⁶ Laen ofolem hmingón du yóm tey ksidek kegnóm Hirod du. Okóm lemwót bè yóm deng kwen fasaden lem blóng yó kem tey tau tinoken, ne mung du safaen, yó gónón myak ke là blayen du bè yóm ngà yóm hnihen.

Mark 6:26 Referans Kwoze

Matyu 14:9

Timbow gungol Hirod yóm yó, ya tey sidek kegbeng lemen. Okóm lemwót bè yóm deng safaen bè yóm ngà yó, lel le mungol du yó kem tey tau wen bè yó, yó gónón tódô hemlus du béléen yóm hnihen.

Danyél 6:14

Timbow gungol yóm tau hol geta yóm tulón yó, ya tey sidek kegbeng lemen lemwót bè yóm deng kefemahen yóm udin yó. Tô hotuhen gelen mebel lanen lemwà ke Danyél efet deng sdef kdaw.

Mark 6:25

Tódô kendel hetlasik mulék se yóm ngà ebè Hirod, ne monen mò du, “Kulu Jan dé blayem dou, hyónem do te huyów.”

Mark 6:27

Ne tódô dók Hirod se yóm sotu sendaluen anì niten kulu Jan ebè yóm ngà. Ne tahu se, lemwót yóm sendalù, kenlengen lihol Jan ditu lem blanggù.

2 Samwél 14:21

Omin yóm tau hol geta hangay ke Juab, monen mò du, “Yó ne, nangayem Absalum, nwitem mulék edini.”