Mark 6:24 - Udél Dwata: Gna Kesfasad ne Lomi Kesfasad

²⁴ Ne tódô lemwót se yóm ngà libun yó nan e snólók bè yéen yóm hyu mò hnihen. Ne mon yéen se, “Hnihem béléen kulu Jan dé, yóm tau gel mabtays.”

Mark 6:24 Referans Kwoze

Job 31:31

Tódô kdê yó kem tau mò nmò béléu, gotu tngón le yóm tey kehdufu yó kem dumu tau gel sut béléu.

Kem Lingón 37:14

Yó kem tau sidek nmò le, dmilot le sudeng, ne bemtul le boho, tô hnatay le yó kem tau élél, ne yó kem tau tedeng kmò le.

Kem Lingón 37:12

Yó kem tau gel mò sidek, gel natul le ktondo le yó kem tau hyu kmò le, lel le kmutó nawa kul.

Kem Lingón 27:2

Ke nuluk le ou yó kem tau gel mò sidek na le e tô hnatay ou, mom lu tles wen gbunuen.

Matyu 14:8

Lemwót se yóm ngà, snólóken bè yéen ke tedu yóm hnihen bè Hirod. Ne yó mon yéen mò du monem mò ke Hirod, “Kulu Jan dé blayem do, hyónem do te huyów.”

Matyu 3:1

Bè yóm kdaw yó, sut yóm sotu tau boluyen Jan gel mabtays ditu bè yóm benwu laen hol tau menwu du bè prubinsya Judiya. Yó nmoen, gel hetngónen yóm Udél Dwata bè yó kem tau, yó monen mò kul,

Mark 6:23

Gloken smafà béléen he, monen, “Balù doli nim benwu nogotu, ke hnihem béléu, botong blayu kóm.”

Mark 6:25

Tódô kendel hetlasik mulék se yóm ngà ebè Hirod, ne monen mò du, “Kulu Jan dé blayem dou, hyónem do te huyów.”

2 Samwél 13:5

Yó mon Junadab mò du, “Hlilili bè gónóm tungô, hlingóni hdongos gemnóm des. Ke nauy maem uu, monem mò du, ‘Hógówem dou edini libunu Tamar anì henkenen ou. Kóyóu ke du mò du bè ni bè soluhu yóm mò kenu anì tonu ne du hol hemken do.’ ”