Mark 6:22 - Udél Dwata: Gna Kesfasad ne Lomi Kesfasad

²² Bè yóm deng gotu kestifun le, hadal le yóm ngà Hirudiyas libun. Tey kehligal Hirod béléen dalang se yó kem kdê tau tinoken. Botong mon Hirod mò yóm ngà madal, “Tedu se tô nóyóem? Balù kihu hnihem béléu, blayu kóm.”

Mark 6:22 Referans Kwoze

Matyu 14:6

Ni se tehe kmoen yóm katay Jan. Bè yóm tehe kkól yóm kdaw gel kehligal le du yóm tehe ksut Hirod, hadal le yóm ngà Hirudiyas libun lem blóng yó kem tey tau deng sbung bè yó. Ya tey kehyu nawa Hirod.

Danyél 5:2

Yóm igò Bélsasar minum, gotu hfangayen yó kem tegayan tahu blówón ne tegayan blówón bukay tehe nwa maen Nibukadnisar gu lem yóm Gónô Dwata bè Jirusalim. Hfangayen mò gónón minum dalang se yó kem genlalen ne kem yehenen ne yó kem libun tódô nmuhen.

Matyu 11:17

‘Deng me hningón mulu, ne lel me tembol, là kô ye dog madal. Ne deng me hningón modung, lel me lemanu, là kô ye dog langag.’

Matyu 14:3

Yó gónó Hirod mon du yóm yó, abay se du yóm tehe hekfô ke Jan, lelen hfét du, ne heblangguen. Yó gónón mò du béléen yóm yó, lanen tehe mólów du bè yóm tehe kalawen ke Hirudiyas, yehen yóm twolihen boluyen Filip. Tehe gel monen mò ke Hirod, “Deng nuléhem yóm hlau tekuy yóm kalawem yehen twolihem yó.”