Mark 6:20 - Udél Dwata: Gna Kesfasad ne Lomi Kesfasad

²⁰ Abay se ke Hirod, wen klikoen ke Jan. Tódô tngónen tau tedeng kmoen, bà udì ke wen belenen, yó gónón gel mofin du. Tey móyô Hirod hmungol du yóm gel tulón Jan, okóm deng mom sónmoen sbeweg kehedemen bè yóm gel khungolen du.

Mark 6:20 Referans Kwoze

Matyu 21:26

Ke bud mon tekuy se lemwót bè tau, déke mom wen sidek nmò le bélê tekuy yó kem tau, abay se bè kul kehedem du, hol tau tugod Dwata yóm Jan.”

Matyu 14:5

Bè yóm kungol Hirod du yóm udél Jan yó, hol kóyóen ke tô kendel hfatayen Jan, okóm likò bè yó kem Ju, abay se dilô le hol tugod Dwata yóm Jan.

Kun Snulat Jan 5:35

Yóm Jan, hol lómón ke solok, ne tey knóngen. Okóm tek likót ye tô hligal du yóm knóngen yó.

Mark 11:18

Ne gungol le se kul yó kem geta bè yó kem gel demsù ebè Dwata, ne yó kem tau gel tmolok hlau yóm deng nmò Jisas yó. Yó nmò le, mebel le lan le hmatay du, okóm likò le béléen, abay se tey tau wen gel hmungol du yóm ktoloken, ne tey kehtaw le du.

Mark 4:16

Ne yóm tonok bnotu gónóhen e gdek yó kem dumu, duhen yó se kem tau hmungol du yóm Udél Dwata, ne tey ktimu óyô le du. Okóm tek likóten yóm kehtahu le du, abay se là dmolilen.

Danyél 5:17

Bnalà Danyél se, monen, “Omin he, Bélsasar. Mò kóm ne yóm tô basahem do yó, duhen ke blayem bè yó kem dumu tau. Okóm yóm snulat bè beng yóó, senfalahu béléem ne tulónu kóm se yóm hnigaden.

Danyél 4:27

Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”

Danyél 4:18

Yó se yóm deng knahu, ou se Nibukadnisar mon du nim ni. Ne ni, Béltisasar, tulónem dou yóm hnigaden, abay se laen dù dumu tau temngón bè nim benwu nogotu gembek tmulón du dou. Okóm tngónu là mgelen béléem tmulón du do lanen, abay se deng htulus le uu yó kem dwata alì mólós.’ ”

Isikél 33:32

Bè kul kehedem kóm yó kem tau yó, lómón ke uu yóm tau mò hefligal kul, lómón yóm tau gel semngal yóm sngal sbong nawa ne huni yó kem gel nuni le. Olo le beyen hmungol kóm, okóm là kô nimón le du.

2 Tutul Israél 26:5

Bè yóm hanà tolo kegenen du Sikaraya, yóm tau tendo hlolò du ke Usiya yóm klikò ke Dwata, són Dwata gónó Usiya smalig. Yóm igoen tendo smalig ke Dwata, tey wen uléken yóm kdê nmoen.

2 Tutul Israél 24:2

Tey tilob kton Dwata du yó kem gel nmò Juas yóm klawihen mowil Jihuyada yóm tau blóng le ebè Dwata.

2 Bok Kem Tau Hol Geta 13:14

Bè yóm kegnóm Ilaysa du yóm des gónón matay, nauy Juas yóm tau hol geta bè Israél. Bè yóm ktonen ke Ilaysa botong mkik, monen, “Ó Mà, yóm klitun tók yó kem tau Israél, ne yó kem tau mit kudà demyol kul.”

2 Bok Kem Tau Hol Geta 6:21

Timbow tonen lu yóm tau hol geta bè Israél, ominen smólók ke Ilaysa, monen, “Ó mà, hnatayu lu ne kô?”

1 Bok Kem Tau Hol Geta 21:20

Timbow ton Ahab Ilaydya, yó monen mò du, “Na, deng tonen o yóm hohonu.” Bnalà Ilaydya se, monen, “Él, tonu uu. Ni gónów mógów edini, abay se deng mom hotuhem nawam mò du yóm sidek bè kton Dwata kóm.

Kehewà 11:3

Bè yóm kdaw yó, deng eles wen hefedem Dwata yó kem tau Idyip anì wen nawa le ebè yó kem tau Israél. Bè ktahuhen, tey kadat le ke Musis yó kem genlal Faro dalang se yó kem kdéen tau bè Idyip.

Kul Nmò 2:12

Ya tey ketnga le, lel yóm tey kesbeweg kegnóm le du. Sónmò le ssólók, mon le, “Tedu de lanen nim ni?”

Kul Nmò 5:24

Timbow gungol yó kem geta gel demsù ebè Dwata ne yóm kfitan bè yó kem tau mentey bè Gónô Dwata, ya tey sidek ketnga le, sónmò le hemdem du yóm mò kmoen.