Mark 6:19 - Udél Dwata: Gna Kesfasad ne Lomi Kesfasad

¹⁹ Lemwót bè yóm udél Jan yó, deng mom sidek kebut Hirudiyas du, kóyóen ke hfatayen, okóm là hlus Hirod du.

Mark 6:19 Referans Kwoze

1 Bok Kem Tau Hol Geta 21:20

Timbow ton Ahab Ilaydya, yó monen mò du, “Na, deng tonen o yóm hohonu.” Bnalà Ilaydya se, monen, “Él, tonu uu. Ni gónów mógów edini, abay se deng mom hotuhem nawam mò du yóm sidek bè kton Dwata kóm.

Matyu 14:3

Yó gónó Hirod mon du yóm yó, abay se du yóm tehe hekfô ke Jan, lelen hfét du, ne heblangguen. Yó gónón mò du béléen yóm yó, lanen tehe mólów du bè yóm tehe kalawen ke Hirudiyas, yehen yóm twolihen boluyen Filip. Tehe gel monen mò ke Hirod, “Deng nuléhem yóm hlau tekuy yóm kalawem yehen twolihem yó.”

Matyu 14:6

Ni se tehe kmoen yóm katay Jan. Bè yóm tehe kkól yóm kdaw gel kehligal le du yóm tehe ksut Hirod, hadal le yóm ngà Hirudiyas libun lem blóng yó kem tey tau deng sbung bè yó. Ya tey kehyu nawa Hirod.

Isaya 42:20

Yu kem tau Israél, deng tey dê ne ton ye nmou, okóm là kô kenmón ye du. Igoen se wen klingu ye, okóm là kô ye mungol.”