Mark 6:17 - Udél Dwata: Gna Kesfasad ne Lomi Kesfasad

¹⁷ Yó gónó Hirod mon du yóm yó, abay se du se tehe hekfô ke Jan, ne hféten, ne heblangguen. Yó gónón mò du béléen yóm yó, lan Jan tehe mólów du bè yóm tehe kalawen ke Hirudiyas, yehen yóm twolihen boluyen Filip.

Mark 6:17 Referans Kwoze

Matyu 11:2

Ngangen mból yóm gel nmò Krays efet gefet bè Jan lem blanggù, yóm Jan gel mabtays. Timbow gungolen, ominen wen bè yó kem gel lemolò du hógówen ebè Jisas

Kun Snulat Luk 3:1

Deng sfolò limu halayen ne kegen Tibiryus mogot yóm klamangen benwu. Du se yóm hol tau hol geta bélê le nô bè Rom. Yó gubérnor bè prubinsya Judiya yóm sotu tau lemwót bè Rom boluyen Puntyus Paylét. Ne hkemen ke Hirod yóm prubinsya Galili. Ne lemwót yóm twoli Hirod boluyen Filip, hkem Tibiryus du yóm lewu prubinsya boluyen Ituriya ne Trakunitis. Ne hkemen ke Lisanyas yóm sotu prubinsya boluyen Abilin.

Matyu 4:12

Sotu kdaw bè yó gefet bè Jisas yóm deng kehblanggù Hirod ke Jan. Bè yóm kungolen du, tódô mulék ebè prubinsya Galili.

Mark 6:16

Timbow gungol Hirod, monen, “Du kun yóm Jan gel mabtays. Deng tehe heklengu liholen, okóm deng bud mowil.”

Kun Snulat Jan 3:24

(Bè yóm kdaw yó, là dengen geblanggù Jan he.)