Mark 6:15 - Udél Dwata: Gna Kesfasad ne Lomi Kesfasad

¹⁵ Mon kem dumu, “Du se yóm tehe Ilaydya.” Ne wen se mon du, “Du se sotu tugod Dwata, mkél bè yó kem gna tugoden ekni.”

Mark 6:15 Referans Kwoze

Matyu 21:11

Bnalà yó kem tey tau sbung, mon le, “Ni se yóm Jisas, yóm tugod Dwata lemwót bè Nasarit, yóm sotu benwu bè prubinsya Galili.”

Mark 8:28

Mon le se, “Wen se mon du uu kun Jan, yóm tehe gel mabtays. Mon kem dumu, Ilaydyahi kun. Bud wen se mon du uu se sotu bè yó kem dumu tugod Dwata ekni.”

Matyu 16:14

Mon le se, “Wen se mon du, Jan kun yóm tehe mabtays. Mon kem dumu, Ilaydya kun. Sotu tô kmon le du, Jirimaya kun, duhen ke wen bè yó kem dumu tugod Dwata ekni.”

Malakay 4:5

Ngem, gu laanen là deng sut yóm kun kdaw ktafak yóm sana Dwata hol gónó mogot, angat wen hwitu elem blóng ye duhen Ilaydya yóm sotu tau tugodu.

Kun Snulat Jan 9:17

Ne bud snólók yó kem Farisi yóm tau tehe butô yó, mon le mò du, “Tedu kmò kóm kehedem du yóm tau tu? Abay se u yóm deng htonen.” Monen se kun, “Hol tahu tugod Dwata tum tau tu.”

Kun Snulat Jan 7:40

Bè yóm kungol kem tau du yóm mon Jisas yó, wen se bélê le mon du, “Deng duhen ni se yóm tugod Dwata hendón tekuy.”

Kun Snulat Jan 6:14

Bè yóm kton le du yó kem tau yóm hentaw ton nmò Jisas bélê le yó, botong mon le, “Deng duhen ni se yóm tugod Dwata hendón tekuy, yóm hógów Dwata elem benwu.”

Kun Snulat Jan 1:25

Bud mon le mò ke Jan, “Ke là se uu du yóm Misaya, ne ke là se uu du Ilaydya, duhen ke là uu du yóm sotu tugod Dwata tendo nangat me, moen se ke geli mabtays?”

Kun Snulat Jan 1:21

Bud mon le se, “Tmau kóm de? Ilaydyahi kô?” Bud mon Jan, “Sundu ou du.” Bud mon le se, “Uu kô yóm sotu tugod Dwata tendo hendón me?” Bud mon Jan, “Sundu ou du.”

Kun Snulat Luk 9:19

Ne yó mon le, “Wen se mon du Jani kun, yóm tehe gel mabtays. Mon kem dumu, Ilaydyahi kun. Bud wen se mon du, deng wen bè yó kem gna tugod Dwata ekni deng bud mowil.”

Kun Snulat Luk 9:8

Ne yó mon kem dumu, deng bud semfulék yóm tehe Ilaydya. Ne bud mon kem dumu, deng wen bè yó kem gna tugod Dwata ekni bud mowil.

Kun Snulat Luk 7:39

Timbow ton yóm Farisi mit ke Jisas nim nmoen ni, yó hendemen, “Ke tahu tau tugod Dwata nim Jisas ni, hol là galu ke là tngónen du nim libun mogot du ni, ne yóm sidek gel nmoen.”

Kun Snulat Luk 7:16

Tódô le se gotu likò yó kem tau mton du, mung du yóm tey kdóyón le ke Dwata, mon le, “Deng sut lem blóng tekuy yóm tugod Dwata alì mfasang.” Mon kem dumu, “Deng kól lem blóng tekuy ne Dwata nan e lenwà kem kun tau.”

Kun Snulat Luk 1:17

Du se tukô gna yóm gónó ye mogot, ne tey kfasangen, hol lómón yóm tehe kfasang Ilaydya yóm sotu tugod Dwata ekni. Lemwót bè yóm ktoloken, bud gónón sulék nawa yó kem tuha ne yó kem ngà le. Kkólen bè yó kem tau là mimón ke Dwata, gotu le bud himón, baling skél kehedem le yó kem tau tedeng knawa le. Lemwót béléen gónó le eles getgama yó kem kun tau Dwata bè yóm angat ksut yóm gónó le mogot.”

Mark 6:16

Timbow gungol Hirod, monen, “Du kun yóm Jan gel mabtays. Deng tehe heklengu liholen, okóm deng bud mowil.”