Mark 6:14 - Udél Dwata: Gna Kesfasad ne Lomi Kesfasad

¹⁴ Ngangen mból yóm gel nmò le Jisas efet gefet bè Hirod, yóm tau hol geta bè Galili. Deng tey baling tótól yóm boluy Jisas lemwót bè yóm gel nmoen. Wen se mon du, “Deng bud mowil yóm Jan tehe mabtays, yó gónón wen ktueden mò du yó kem hentaw ton gel nmoen.”

Mark 6:14 Referans Kwoze

1 Tisalunika 1:8

Là kô sónen du bè ni kem lewu benwu monu ni koni gónón deng e mból yóm gel tulón ye gbak ebè yóm gónó tekuy mogot, okóm deng mból snéen bè klamangen benwu yóm kuy deng kehtahu bè Dwata. Ke tô tulón me kul yóm kuy kehtahu, deng mom lu ne hegled tmulón du kum.

Kun Snulat Luk 13:31

Bè yóm kmoen yó, wen kem Farisi sut bè Jisas, mon le mò du, “Béem là ksón nô bè ni ne, wen Hirod, tô hfatayen uu kun.”

Kun Snulat Luk 3:1

Deng sfolò limu halayen ne kegen Tibiryus mogot yóm klamangen benwu. Du se yóm hol tau hol geta bélê le nô bè Rom. Yó gubérnor bè prubinsya Judiya yóm sotu tau lemwót bè Rom boluyen Puntyus Paylét. Ne hkemen ke Hirod yóm prubinsya Galili. Ne lemwót yóm twoli Hirod boluyen Filip, hkem Tibiryus du yóm lewu prubinsya boluyen Ituriya ne Trakunitis. Ne hkemen ke Lisanyas yóm sotu prubinsya boluyen Abilin.

Mark 8:28

Mon le se, “Wen se mon du uu kun Jan, yóm tehe gel mabtays. Mon kem dumu, Ilaydyahi kun. Bud wen se mon du uu se sotu bè yó kem dumu tugod Dwata ekni.”

Mark 1:45

Okóm bè yóm deng kulék yóm tau yó, deng mom tódô gotu tulónen bè kdéen tau yóm deng kekó Jisas yóm desen. Botong là dogen gógów ebè yó kem dumu benwu Jisas, bà mon tey tau wen tendo seklot ebéléen. Yó nmoen, tódô gel htólóng ebè yó kem benwu laen dù tauhen. Ewenem yó, sana tey kwen tau lemwót bè ket benwu tendo gel mógów ebéléen.

Mark 1:28

Ya tey kestulón le du yóm nmò Jisas, tódô kendel lengeben klamang prubinsya Galili.

Matyu 9:31

Okóm bè yóm kulék le, deng mom sensból le bè klamangen yóm benwu yó yóm deng nmò Jisas bélê le.

2 Tutul Israél 26:15

Wen kem mekina hmò Usiya yó kem tau alì hulung mò mekina suen ta yó kem gónô geta hdaen bè yó kem sokok beng hmilol Jirusalim mò fen gemtì ne mò tmudà yó kem botu lembang. Lemwót bè yóm tey któbóng Dwata ke Usiya, botong gefet ebè klamangen yóm tey któtólen ne yóm tey kfasangen.

2 Tutul Israél 26:8

Gel le mayad bwis bè Usiya ket halay yó kem tau Amon. Yóm tey któtól Usiya botong gefet bè Idyip lemwót bè yóm deng tey kfasangen.

Kun Snulat Luk 9:19

Ne yó mon le, “Wen se mon du Jani kun, yóm tehe gel mabtays. Mon kem dumu, Ilaydyahi kun. Bud wen se mon du, deng wen bè yó kem gna tugod Dwata ekni deng bud mowil.”

Hibru 2:4

Ne ke Dwata kun, bud du se gemtanud du yóm ktahuhen yóm gel tulón le hlanen bè yó kem tey dê hentaw ton hmoen kul, lelen wen yóm kenhulung lemwót bè Tulusen tódô blayen bè yó kem tau deng néléken.

Kun Snulat Luk 7:17

Ne tódô lenngeben yóm klamang yóm benwu le gónón e glalag yóm nmò Jisas yó, kkólen bè yó kem dumu benwu hmilol du.