Mark 5:39 - Udél Dwata: Gna Kesfasad ne Lomi Kesfasad

³⁹ Omin Jisas husek elem gónô, monen mò yó kem tau bè yó, “Mò ye alì hebnes ni du? Tedu alì nkik ye ni? Là kóen matay yóm ngà, olon tungô.”

Mark 5:39 Referans Kwoze

Kul Nmò 20:10

Okóm mnaul elaan Pol, tódô lemfen ta yóm ngà logi yó, ne lenkefen, monen, “Bê ye htafa nawa ye. Tolo mowil he.”

1 Tisalunika 5:10

Yó se gónó Jisas fen matay anì gomong tekuy mowil béléen, senged se ke tolo te mowil bè yóm kkólen, duhen ke deng tekuy mlef.

1 Kurin 11:30

Yó se gónón lemwót yóm dê gemnóm des bélê ye, ne dê tmalaw là mgel, ne deng wen se bélê ye gehlós matay.

Danyél 12:2

Wen se bè yó kem tau deng matay angat bud btik, wen se bélê le gmuta du yóm klowil laen dù sónen ne wen se bélê le gmuta du yóm tey sidek kyak laen dù sónen.

Matyu 9:24

Là kóen deng matay he yóm ngà libun yó, tódô olon tungô.” Okóm deng mom són mò le hemkéng du yóm mon Jisas yó.

Mark 5:38

Bè yóm kkól le ditu bè gónô Jarus, tódô glo le tey dê tau hebnes bè yó, lenangag le yóm ngà deng matay, ne tey sidek kkik le.

Mark 5:40

Deng mom henkéng le Jisas yó kem tau yó. Omin Jisas gotu hewà kul, tek són mà yóm ngà ne yéen ne yó kem tlu tau gel lemolò du nwiten elem tum dfél gónón nô yóm ngà.