Mark 5:38 - Udél Dwata: Gna Kesfasad ne Lomi Kesfasad

³⁸ Bè yóm kkól le ditu bè gónô Jarus, tódô glo le tey dê tau hebnes bè yó, lenangag le yóm ngà deng matay, ne tey sidek kkik le.

Mark 5:38 Referans Kwoze

Kul Nmò 9:39

Ne tahu se, mung kul Pitér. Yóm kkólen bè yó, tódô nwit le bè yóm dfél tofi ta. Gotu le nô bè yó snéen yó kem libun bolu. Tey kkik le, ne tolok le ke Pitér yó kem nes tehe gel tenbé Durkas bélê le yóm hanà tolo kegenen mowil.

Mark 5:22

Ne wen sotu tau sut bè Jisas, boluyen Jarus, tau wen glalen bè yóm kul gónô stifun bè yó. Bè yóm ktonen ke Jisas, tódô na a mtud bukol bè soluhen,

Matyu 11:17

‘Deng me hningón mulu, ne lel me tembol, là kô ye dog madal. Ne deng me hningón modung, lel me lemanu, là kô ye dog langag.’

Matyu 9:18

Yóm igò Jisas tolo tmulón du kul ni kem ni, wen sotu Ju wen glalen mógów ebéléen, ne tódô na a mtud bukol bè soluhen, ne monen mò du, “Ó Sér, wen yóm ngau libun deng lewaken nawan koni. Okóm holi mung do nam e nenok do anì bud mowil.”

Mark 5:39

Omin Jisas husek elem gónô, monen mò yó kem tau bè yó, “Mò ye alì hebnes ni du? Tedu alì nkik ye ni? Là kóen matay yóm ngà, olon tungô.”