Mark 5:36 - Udél Dwata: Gna Kesfasad ne Lomi Kesfasad

³⁶ Okóm ke Jisas, là dog kenmónen du yóm mon le yó, olon mon du mò ke Jarus, “Béem htafa nawam. Tódô henlelem yóm ksaligem do.”

Mark 5:36 Referans Kwoze

Kun Snulat Luk 8:50

Okóm gungol Jisas yóm tulónen, ne monen mò ke Jarus, “Béen tafa nawahem. Tódô hentahuhem ou, ne angat bud mulék hyu he yó tum ngaem.”

Kun Snulat Jan 11:40

Ne bnalà Jisas se, monen, “Hentulónem nawa yó dém deng monu mò kóm eginu, ke hemtahuhi béléu, tonem yóm kun kfasang Dwata.”

Mark 9:23

Mon Jisas se mò du, “Moen de ke monem mò do, ‘Ke gbekem?’ Igoen laen dù là gbek Dwata du bè yóm tau hemtahu béléen.”

Mark 5:34

Mon Jisas se mò du, “Yó ne, Lenibun, bè yóm kehtahuhem béléu, yó se gónón mkó yóm desem. Tu ne, muléki. Dwata he henek nawahem. Laen dù bud sfuhen ne yóm desem.”

Matyu 17:20

Mon Jisas se, “Abay se tolo udì kehtahu ye. Tódô tulónu kuy ktahuhen, ke bnotù tekuy yóm kehtahu ye, anien ke olon senged bè kutit yóm lem hulu boluyen mustard, botong gbek ye tódô mon du bè yóm bulul nii, ‘Milihi etuu.’ Nénégem kà tódóen mili. Laen kô dù là gbek ye du.

2 Tutul Israél 20:20

Hol hlafus hayahen bè yó, gotu le btik yó kem sendalù Juda, mógów le ebè yóm benwu laen hol wen tauhen bè Tikuwa. Bè yóm hanà knô le bè lan, htengen mdà Jihusafat, ne yó udélen ebè yó kem tau, monen, “Ó kem tau Juda ne kem tau bè Jirusalim, hnungol ye ou yóm kdê ye. Hentahu ye Dwata yóm Dwata hol kuy gónó mogot, anì mbegel ye. Hentahu ye yó kem tugoden anì wen gónón e kól yó kem nmò ye.”

Matyu 9:18

Yóm igò Jisas tolo tmulón du kul ni kem ni, wen sotu Ju wen glalen mógów ebéléen, ne tódô na a mtud bukol bè soluhen, ne monen mò du, “Ó Sér, wen yóm ngau libun deng lewaken nawan koni. Okóm holi mung do nam e nenok do anì bud mowil.”

Mark 5:22

Ne wen sotu tau sut bè Jisas, boluyen Jarus, tau wen glalen bè yóm kul gónô stifun bè yó. Bè yóm ktonen ke Jisas, tódô na a mtud bukol bè soluhen,