Mark 5:35 - Udél Dwata: Gna Kesfasad ne Lomi Kesfasad

³⁵ Yóm igò Jisas tolo stulón bè yóm libun yó, wen tau sut bè yó lemwót bè gónô Jarus, ne mon le mò ke Jarus, “Là bud gafitem du ne ngaem. Bê kuy dog bud hnala ne Jisas.”

Mark 5:35 Referans Kwoze

Kun Snulat Luk 8:49

Yóm igò Jisas tolo stulón du yóm libun yó, wen tau sut bè yó lemwót bè gónô Jarus, monen mò du, “Là bud gafitem du ne yóm ngaem. Bê tekuy dog bud hnala ne Jisas.”

Kun Snulat Jan 11:39

Yó mon Jisas mò kul, “Kó ye dé yóm botu sengen yóó.” Ne mon Marta se, yóm libun yóm tau matay, “Deng moo bolok ne ni, Sér, yakà deng fat kdawen du lebeng.”

Kun Snulat Jan 11:28

Timbow deng kmon Marta du yóm yó, ominen lemwót mógów ebè Midi ne lifut tulónen du yóm deng kkól Jisas bè yó, ne bud monen, “Tinoken uu koni.”

Kun Snulat Jan 5:25

Tódô tulónu kuy ktahuhen, angat wen kdawen, ne deng duhen ni se, angat gungol yó kem tau deng matay yóm udél yóm Ngà Dwata. Sok gungol le, tódô le se bud mowil.

Mark 10:17

Timbow le deng bud tô lemwót le Jisas, wen sotu tau mlóy ebéléen, tódô tuden bukolen bè soluhen, ne monen mò du, “Ó Sér, uu se yóm tau hyu kmoen. Wen tô snólóku béléem. Tedu de tô nmou du anì gutahu yóm klowil laen dù sónen?”

Mark 5:22

Ne wen sotu tau sut bè Jisas, boluyen Jarus, tau wen glalen bè yóm kul gónô stifun bè yó. Bè yóm ktonen ke Jisas, tódô na a mtud bukol bè soluhen,

Kun Snulat Jan 11:32

Timbow kól bè Jisas Midi, tódô hegluduk bè soluhen ne monen, “Ó Sér, là kóen matay he tum logi me ke tehehi nô dini.”

Kun Snulat Jan 11:25

Bud mon Jisas mò du, “Ou se gónón mowil tau gu lem hatay, ne bud ou se bemlay kul klowil. Yó se hemtahu béléu, anien ke deng matay, kaem bud mowil.

Kun Snulat Jan 11:21

Yó mon Marta mò ke Jisas, “Ó Sér, là kóen na a matay he yóm logi me ke tehehi nô dini.

Matyu 26:18

Ne mon Jisas se mò kul, “Mógów ye ebè yóm sotu tau bè syudad Jirusalim, mon ye mò du, ‘Ni se tinoken ebéléem yóm tau gónó tekuy gel htolok, monen, Deng hto ne yóm buteng tehe olu Dwata do. Nmou bè gónóem yóm mò ken bè Kdaw Khius, mung do yó kem gel lemolò do.’ ”

Matyu 9:18

Yóm igò Jisas tolo tmulón du kul ni kem ni, wen sotu Ju wen glalen mógów ebéléen, ne tódô na a mtud bukol bè soluhen, ne monen mò du, “Ó Sér, wen yóm ngau libun deng lewaken nawan koni. Okóm holi mung do nam e nenok do anì bud mowil.”

Matyu 26:10

Hyu gungol Jisas yóm udél le, yó gónón mon du mò kul, “Moen de ke bnólów ye kun nmò nim libun nii? Igoen tey minggel yóm nmoen béléu ni.