Mark 5:33 - Udél Dwata: Gna Kesfasad ne Lomi Kesfasad

³³ Ne tódô tngón yó sem libun, ebéléen gónón e gbak yóm mon Jisas yó. Tódô setbol kkelen lemwót bè yóm tey klikoen, na a tódô mtud bukol bè solu Jisas. Gotu benkas tulónen du yóm ktahuhen.

Mark 5:33 Referans Kwoze

Kun Snulat Luk 8:47

Timbow gungol yóm libun yóm mon Jisas yó, tódô setbol kkelen na a hegluduk bè solu Jisas. Tódô benkasen lem blóng yó kem tey tau yóm dalil gónóhen temgafit mdù yóm nes Jisas, ne yóm tódô henmung keteflok yóm desen.

Kun Snulat Luk 1:29

Bè yóm kungol Midi du yóm udél yóm hógów Dwata ebéléen yó, mom tô tafa nawahen, abay se là kô glileben du kmò klanen.

Kun Snulat Luk 1:12

Bè yóm kton Sekariya du botong ktut ne tey klikoen.

Mark 4:41

Ya tey sidek klikò le, stulón le, mon le, “Tmau du mni? Balù lenos ne lewók, sana kimón le du.”

Kem Lingón 66:16

Yu kem tau wen klikò ye ke Dwata, géhél ye ne, ne hol ye hmungol, naw e tulón kuy yóm deng nmò Dwata béléu.

Kem Lingón 30:2

Ó Dwata yóm sana dou Dwata hol gónó mogot, denge mni tóbóng béléem, ne gotu hkóhem béléu yóm desu

Mark 5:32

Okóm là kóen mkó kebel Jisas du mata yóm tau mdù nesen yó.

Mark 5:34

Mon Jisas se mò du, “Yó ne, Lenibun, bè yóm kehtahuhem béléu, yó se gónón mkó yóm desem. Tu ne, muléki. Dwata he henek nawahem. Laen dù bud sfuhen ne yóm desem.”