Mark 5:29 - Udél Dwata: Gna Kesfasad ne Lomi Kesfasad

²⁹ Tahu se, nan e gdù nes Jisas, ne tódô sennganen se teflok yóm litô tendo gu béléen, ne gnómen se yóm deng kehyuhen.

Mark 5:29 Referans Kwoze

Mark 5:34

Mon Jisas se mò du, “Yó ne, Lenibun, bè yóm kehtahuhem béléu, yó se gónón mkó yóm desem. Tu ne, muléki. Dwata he henek nawahem. Laen dù bud sfuhen ne yóm desem.”

Mark 3:10

Deng dê ne bélê le hkóhen des le. Yó gónóm mon alì wen kem dumu tau gemnóm des alì segdendel ebéléen anì gdù le.

Kem Lingón 103:3

Gotu hnifóten kdê salau, ne gotu kóhen kdê desu.

Kem Lingón 30:2

Ó Dwata yóm sana dou Dwata hol gónó mogot, denge mni tóbóng béléem, ne gotu hkóhem béléu yóm desu

Kem Lingón 147:3

Henyuhen nawa yó kem tau deng lebà nawa le, bnausen yó kem halì le.

Kem Lingón 107:20

Gotu kóhen yó kem des le lemwót bè tek olo udélen, yó gónó le là hlós matay. Ne lenwaen lu bè yóm tô hatay le.

Kehewà 15:26

Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”

1 Bok Kem Tau Hol Geta 8:37

Ke mbel bitil bong bè benwu le, duhen ke wen des mit hatay gefet bélê le, duhen ke gotu hensidek lenos kinì yó kem hulu le ne gotu ken yó kem tey tlangas wen, ne duhen ke gotu nundug kem hohon le lu yó kem kóm tau, ne nô kihu des gefet bélê le

Kun Snulat Luk 7:21

Bè yóm kgefet le bè Jisas yó kem tau hógów Jan yó, tolo lel Jisas hkó yó kem dê kay des bè yó kem tau, ne hdóhen se yó kem busaw gel malak yó kem tau. Ne yó kem butô gotu htonen lu.

Matyu 9:20

Yóm igò le mógów mulit lan, wen sotu libun gemnóm des tenbalung mógów huli ke Jisas, ten-gafit nduen nesen. Abay se deng sfolò lewu halayen kegenen gemnóm du yóm desen.

Mark 5:28

Yó hendemen, “Baluen ke olohu gemdù nesen, kaem tódô mkó nim desu.”