Mark 5:27 - Udél Dwata: Gna Kesfasad ne Lomi Kesfasad

²⁷ Deng gel gungolen yóm nmò Jisas, yó gónón tódô hegbool bè yó kem tey tau wen huli du.

Mark 5:27 Referans Kwoze

Kul Nmò 19:12

Balù yó hem olo mesalahen duhen ke kayaben, ke nit le bè yó kem tau wen des le, kaem tódô mkó se yó kem des le. Balù yó kem tau nalak busaw, tódô gel mdó se yó kem busaw malak kul.

Matyu 14:36

Henkodu le béléen baluen ke olo le gemdù kilil nesen yó kem tau gemnóm des. Tahu se, tódô kdéen tau gotu mdù nesen, tódô le gotu bud hyu.

Kul Nmò 5:15

Lemwót bè yóm gel nmò yó kem hógów Jisas, yó nmò kem tau, gotu nwit le yó kem gemnóm des bélê le, sù le lu ta katri duhen ke ta igam le, ne hasà le lu gu bè kilil lan. Nangat le bud kius Pitér. Anien ke olo olungen he gemlan gu ta le, kaem tódô mkó yóm des le.

Mark 6:56

Kihu benwu gónón e solu, benwu lembang duhen ke benwu lemnek, sal gel mdengen gónó le semtifun kul yó kem tau gemnóm des. Gel henkodu le bè Jisas ke balù olo le gemdù nesen yó kem tau gemnóm des. Tahu se, tódô kdéen tau gemdù nesen, gotu le bud hyu.

2 Bok Kem Tau Hol Geta 13:21

Sotu kdaw bè yó, yóm igò le lembeng yó kem tau Israél, ton le yóm sotu lumbuk gel hmékét bè lan yó. Uni le mton kul, tódô bot le yóm lówó yóm tau lebeng le elem yóm kilib gónó le tehe lembeng ke Ilaysa. Bè yóm kegdeken bè yó kem tiol Ilaysa yóm lówó tau matay bot le yó, tódô bud mowil ne mdà.

Mark 5:26

Deng dê duléken ne gel hbulung bè duktur, botong gotu filaken, ewenem là kóen mkó yóm desen, deng mom temnù.

Mark 5:28

Yó hendemen, “Baluen ke olohu gemdù nesen, kaem tódô mkó nim desu.”