Mark 5:24 - Udél Dwata: Gna Kesfasad ne Lomi Kesfasad

²⁴ Ne tahu se, mung du Jisas, ne lel yó kem tey tau wen tendo seklot hmilol du.

Mark 5:24 Referans Kwoze

Mark 5:31

Ne mudél se yó kem gel lemolò du, mon le, “Ilóem là tonem du kô yó du kem tau seklot hmilol kóm yóó? Tlek kóm tô smólók ke tau du mdù nesem.”

Kun Snulat Luk 7:6

Ne tahu se, mung kul Jisas. Timbow le deng moni bè gónô yóm kfitan yó, bud wen kem ween dóken na a semlong kul. Ne yó tulón hwiten ebè Jisas, monen, “Béi dog hlós edini ne, Sér. Là kóen knóón ke huseki elem gónóu.

Mark 3:20

Omin Jisas bud mulék ebè gónóen, mung du yó kem gel lemolò du. Ne ya tey tau wen bud stifun ebéléen, botong là getngón le du mken.

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.

Kun Snulat Luk 19:3

Ya tey óyóen ke tonen Jisas, okóm laen dog kmò ktonen du, bà mon tey tau wen sembung du, lelen tey tau ukol he nim Sakiyus ni.

Kun Snulat Luk 12:1

Sotu kdaw bè yó, tódô le muluk ebè Jisas yó kem tey tau wen, balù hilu libu kwen le, gotu le segdà te hólól ti. Yó gna nmò Jisas, mudél ebè yó kem gel lemolò du, monen mò kul, “Hol ten-gama ye yóm kul kmò yó kem Farisi, yóm gel kehlingu le bè yó kem tau gel tedeng. Yóm kul kmò yó hol lumun ke bólen yóm bulung henok mambang.

Kun Snulat Luk 8:45

Tódô henmung snólók Jisas se, monen, “Mau du de nim mdù dou ni koni?” Tódô ket tau gotu hlalà. Ne yó mon Pitér mò ke Jisas, “Bong ni dum tey tau seklot ebéléem ni, Sér.”

Kun Snulat Luk 8:42

abay se deng heslaf yóm ngaen libun. Blaem tek són yó ngaen, deng dô wen sfolò lewu ne halayen. Tahu se, tódô mung du Jisas. Yóm igoen mógów, tey tau wen seklot ebéléen.

Mark 5:23

ya tey kehkoduhen béléen, monen, “Ó Sér, tey leed desen yóm ngau libun. Holi mung dou bè gónóu nam e nnok dou anì tódô mkó tum desen, ne anì bud mowil.”

Mark 5:25

Wen sotu libun gemnóm des tenbalung gbool bè yó kem tey tau wen huli ke Jisas. Deng sfolò lewu halayen gemnóm du yóm desen.

Kun Snulat Luk 11:29

Tikóng le alì sguku ebè Jisas yó kem tey tau wen, yó bud mon Jisas mò kul, “Tey sidek ni kem tau kmoen ni. Són hnebel le yóm hentaw ton, okóm laen kô dù bud nmou bélê le. Tek són nmou lem blóng le, són yóm hentaw ton tehe ton le bè Juna ekni, yóm sotu tehe gna tugod Dwata.