Mark 4:7 - Udél Dwata: Gna Kesfasad ne Lomi Kesfasad

⁷ Ne bud wen se sohulen gdek e talak yóm gónón angat mfól kluon semnual. Ne tmowok, tódô mung senok bè yó kem kluon semnual, okóm deng mom limes yóm towok halay lem blóng le, ne là kóen dog mungu.

Mark 4:7 Referans Kwoze

Jirimaya 4:3

Yó udél Dwata ebè yó kem tau bè Juda ne ebè yó kem tau bè Israél, bede hningónen, monen, “Hol dnadu ye yóm tonok mgel nô bè nawa ye. Hol bê ye abay namà hulu lem sual yóm lem hulu hyu nô bélê ye.

Kun Snulat Luk 8:14

Ne yóm gónón mfól bnes semnual gónón e gdek yó kem dumu bnék sohulen yó, duhen yó se kem tau hmungol du yóm Udél Dwata, okóm tey dê lenóngón nawa le bè kendengen le ne tey dê kenbeyen nawa le ne deng le tódô limes là kóen dog tmuha kehtahu le.

Kun Snulat Luk 21:34

Bud mon Jisas mò kul, “Eles ye hol temgama anì là són du yó gónón nô nawa ye bè kken ye ne bè kinum ye ne bè kmò kebel ye klowil ye. Déke tódô mekto ksuten bélê ye yóm kdaw yó igò ye là deng getgama.

Kun Snulat Luk 12:15

Ne bud mudél Jisas ebè yó kem tau sbung bè yó, monen, “Hol gel ten-gama ye yóm kdéen gel senbì tau, abay se balù nô kbong kimuhen yóm tau, là kô bè yó du tahu gónón mowil.”

Kun Snulat Luk 8:7

Bud wen se sohulen gdek e talak yóm gónón wen kluon. Ne tmowok se, tódô mung senok bè yó kem kluon, ne tódô limes lem blóng le.

Matyu 13:22

Bong yóm bnék gdek elem yóm angat gónón mfól kluon, hol lómón ke yó kem tau hmungol du yóm Udél Dwata, okóm dê bnukù nawa le bè klowil le, ne gfét nawa le bè kebel le kendengen le. Yó gónón limes yóm kehtahu le, ne laen kô dù bunguhen.

Matyu 13:7

Ne bud wen se sohulen gdek e talak yóm gónón angat mfól kluon. Ne tmowok se, tódô mung senok bè yó kem kluon, okóm deng mom limes kun yóm ngà towok halay lem blóng le.

Matyu 13:8

Okóm wen se sohulen gdek ebè gónón hyu tonok. Timbow gefet, ya tey kfól bunguhen. Wen se kanguyen mungu lematu, wen se mungu nem folò, wen se mungu tlu folò.”

Mark 4:6

Timbow sut kdaw bè yóm deng ktowoken, tódô kendel menes, abay se là holen ngelem dolilen.

Mark 4:8

Okóm wen se sohulen gdek ebè yóm gónón hyu tonok, tey hyu ktowoken ne temlê ne tey mungu. Wen se kanguyen mungu tlu folò, ne wen se mungu nem folò ne wen se mungu lematu.”