Mark 4:39 - Udél Dwata: Gna Kesfasad ne Lomi Kesfasad

³⁹ Omin Jisas yó hboluk btik ne mudél ebè yóm lenos, monen, “Botongem ne.” Ne bud monen ebè yóm lewók, “Heneki ne.” Tahu se, tódô kemnas yóm lenos ne menek te lanaw.

Mark 4:39 Referans Kwoze

Kem Lingón 107:29

Tódô tenflok Dwata yóm tey lenos bong, ne tódô menek yóm tey lewók.

Kem Lingón 89:9

Gotu knamalem yóm tey mohin lamang, ne gbekem henek du balù nô kbong lewóken.

Kem Lingón 65:7

Balù yóm tey lungkul lewók mohin, botong gbekem henek du. Ne gbekem henek kul snéen yó kem tau alì sembeweg kbenwu.

Kem Lingón 29:10

Dwata se mogot kul yó kem él dmunuk. Ne laen kô dù tul sónen yóm hol kegetahen.

Kem Udél Hlalak Tehe Selumun 8:29

Ne bude se nô bè yó bè yóm koluhen kem él mohin, yóm kmonen du hol bê le nulé yóm bengelen du. Ne bude se nô bè yó bè yóm kehbegelen yóm klamangen tonok.

Kem Lingón 148:8

Senged se yóm ksilà ne bulók kulón ne kulón ne kem lobun, balù yóm tey lenos bong gel mimón du yóm dók Dwata, hol gel dóyón ye Dwata se kuy.

Job 38:11

Yó tehe udélu ebè yóm mohin yó, monu, ‘Olon bè ni ne gónóm són. Olon bè ni gónón són yóm tey lewókem.’

Kehewà 14:22

Ne yó kem tau Israél, tódô le kem mógów bè gónón mékéng tonok bè sólól yóm él yó. Ne yóm él tódô sbusung sfatà kilil le.

Mark 9:25

Timbow ton Jisas yóm tey dê tau hloni ebélê le bè yó, ominen tódô hdó yóm busaw malak yóm ngà yó, monen mò du, “Uu se humew du nim ngà ni, ne hbokong du, mdóhi ne, hol béi abay bud mulék ebéléen.”

Kehewà 14:16

Yó nmoem, tayalem eta mohin tugedem ne tódô meskó yóm él yó ne gbek yó kem tau Israél tódô mifal du yóm mohin yó, tódô le mlan lemen bè gónón mékéng tonok.

Kun Snulat Luk 4:39

Ne tahu se, mógów ebéléen na a mdà klohoken, tódô hkóhen yóm desen, mlan bè udélen. Ne sen-gengen se tódô btik tuón Simun libun, ne kendel mò ken bélê le.

Nahum 1:4

Tek olo bè udélen tódô kti yóm tey mohin bong dalang se yó kem él mlel. Bud lemwót bè udélen gónón tódô mékéng yó kem tey tilob gónó motob bè Basan ne bè Karmél ne yóm dlag bè Libanun gotu tbó doun le.

Matyu 8:26

Bnalà Jisas se lu, monen, “Mò ye kat alì likò ni du? Tey udì yóm kehtahu ye.” Ominen yó tódô hboluk btik, ne mudél ebè yóm lenos ne yóm tey lewók, monen, “Botongen ne.” Ne tahu se, tódô sen-gengen se menek gu talak lanaw.

Mark 4:38

Okóm ke Jisas deng mom gtungô, temdanan te kama fi bè sékê yóm ówóng. Lemwót yó kem gel lemolò du, bentik le Jisas, mon le mò du, “Ó Sér, moem tlek tungô kut ni du? Móyón tekuy lemneb.”

Kun Snulat Luk 4:35

Okóm tódô bnólów Jisas, monen, “Béi mudél. Mdóhi bè yóm tau nalakem yó.” Tahu se. Bè yóm ktagaken du, tódô mugod lem blóng le bè yó yóm tau tehe wen malak du yó, okóm là kô gehsideken du yóm busaw malak du yó.

Kun Snulat Luk 8:24

Ne bentik le Jisas, mon le, “Ó Sér, hatay tekuy ni.” Ne hboluk btik se Jisas, ne tonen yóm tey lenos ne yóm tey lewók, ne tódô monen, “Botongen ne.” Ne tahu se, tódô sen-gengen se teflok yóm lenos, ne menek gu talak lanaw.