Mark 4:37 - Udél Dwata: Gna Kesfasad ne Lomi Kesfasad

³⁷ Yóm igò le tolo mówóng talak lanaw, tódô mbel yóm tey lenos bong, lel tey lewók, botong tô gotu glimun lewók yóm ówóng le, tek udì duen gónó le là lemneb.

Mark 4:37 Referans Kwoze

Job 1:19

deng nan e tódô mbel yóm hol yéen lenos bong lemwót gu bè yóm benwu laen hol wen tauhen. Gotu genbaen yóm gónô gónó le nô ne gotu le matay yóm kdê le. Tek són ou là matayen. Tódóe mlóy edini naw e tulón kóm.”

Juna 1:4

Okóm yó nmò Dwata, hbelen yóm tey lenos bong te mohin ne tey lewók setbulù, deng tô gbà yóm kafal le.

Job 1:12

Yó mon Dwata mò ke Seitan, “Yó ne, tódô kdê yó kem nfunen gotu suu lem hólólem. Okóm hol béem abay hendes ke Job kun.” Tahu se, lemwót bè yó Seitan bè solu Dwata.

2 Kurin 11:25

Deng tlu dulék le se mfes dou yó kem tau Rom. Deng suléku se tô matay bè yóm kestudà le dou botu. Deng tlu duléku se tô matay bè mohin lanen gbà yóm kafal snakayu. Deng gfau se tódô hetów te mohin sendaw ne suloy buteng.

Kul Nmò 27:41

Okóm deng mom gtengen lem helek kulu yóm kafal bè yóm gónón là ngelem mohin, tódô gotu gbà sekê yóm kafal bè yóm tey lewók yó.

Mark 4:36

Tahu se, tódô tnagak le yó kem tey tau wen, ne motun le elem yóm ówóng gónó Jisas myón, ne omin le lemwót. Ne wen se kem dumu tau mówóng mung kul.

Mark 4:38

Okóm ke Jisas deng mom gtungô, temdanan te kama fi bè sékê yóm ówóng. Lemwót yó kem gel lemolò du, bentik le Jisas, mon le mò du, “Ó Sér, moem tlek tungô kut ni du? Móyón tekuy lemneb.”