Mark 4:32 - Udél Dwata: Gna Kesfasad ne Lomi Kesfasad

³² Ngangen tmowok efet bong, efet lembang kem hangahen, botong le smala tahen yó kem onuk koyu.”

Mark 4:32 Referans Kwoze

Kem Lingón 91:1

Yóm tau tendo hofin bè Dwata ne ke henek bè kofinen du, yóm Dwata laen dù là gbeken du,

Isaya 32:2

Kehlingónu kul, hol lómón ke lu mò seng bè lenos ne mò gónó e mlóy ke sut yóm tey kulón bong. Sotun, lómón ke lu yóm él mlel bè yóm benwu laen dù élen. Ne lómón ke lu yóm olung yóm botu semlung gónó hgolung bè yóm benwu laen dù koyuhen.

Isaya 11:9

Bè yóm bulul Sayun yó yóm kun bulul Dwata, là kô wen tonem fen hemsidek bè yó, tódô hono hyu kdéen. Bè klamang yóm benwu yó, laen kô dù tau tonem là temngón ke Dwata. Yóm ketngón le ke Dwata tódô lengeben yóm klamang benwu le, hol lómón yóm mohin tódô tfeng él. Là gomongen bè nili yóm bérs 10 kól bè 16. Yó htulón Dwata ke Isaya bè ni kem bérs ni, yóm kmoen bè yóm kdaw deng monen yó koni, yóm gotu bud kógów yóm kdéen but tau talak tonok ebè yóm ból tehe Dabid, duhen yó yóm Misaya, yakà teyen knóón yóm kun benwu. Yó monen bè bérs 11-13, “Bè yóm kdaw yó, ni se yóm gewuhen dulék bud kehfulék Dwata ebè benwu le yó kem tau dù tebel. Gotu bud sentifunen lu yó kem tau Juda deng sekla ebè són tonok. Ominen yó he tódô lana yóm ksélés nawa yó kem tau Israél ne yó kem tau Juda. Là bud le sfatay ne honon lu. Gotu senlomong le yóm kdê sendalù le,” ne gotu nundug le yó kem benwu lenwóten fi dmata kdaw kól desdef. Gotu nwa le kdê kem tonok bè yó kem tau bè Idom ne Muab ne Amun.

Kem Udél Hlalak Tehe Selumun 4:18

Yóm kun kmò kógów klowil yóm tau tedeng kmoen lómón ke layag kdaw, són moen minut mtataw efet talak kemdaw.

Kem Lingón 104:12

Lemwót yó kem onuk koyu, gotu le smala ta yó kem koyu tmubé él, lel yóm tey udél le.

Isikél 17:23

Angat baling koyu sidar alì tilob bè kdéen, tey klimbà kem hangahen lelen tey tilob kbunguhen mò bud hulu. Angat le gotu smala tahen yóm kdéen kay onuk koyu, hgolung le laan hangahen.

Matyu 13:32

yóm lem hulu alì lemnek bè kdéen. Okóm ke deng tmowok yóm huluhen yó, tey bong, ne baling koyu, ne gotu le smala gu te hangahen yó kem onuk koyu.”

Mark 4:31

Sotu gónó tekuy hmingón du, hol lómón ke yóm lem hulu alì lemnek bè kdéen deng hulu yóm sotu tau bè lamihen.

Mark 4:33

Yóm gel ktolok Jisas, tey dê hlingón nmoen bélê le. Tódô toloken kul yóm bang kul getnef.