Mark 4:29 - Udél Dwata: Gna Kesfasad ne Lomi Kesfasad

²⁹ Timbow gefet, tódô kendel nuta yóm funen, abay se kdawen deng muta du.”

Mark 4:29 Referans Kwoze

Juwél 3:13

Tey alì gulé yóm ksidek nmò le. Yó gónóm mon, gotu gnalab ye lu lómón kgalab halay bè yóm kdaw kuta. Gotu sninà ndà ye lu lómón ksinà bungu grép, yakà dengen hnok yóm gónó kemmes kul, tódô gotu lembés élen. Lómón yó se kguléhen yóm tendo ksidek yóm gel nmò le.

Matyu 13:30

Na ye tódô hbungu lemen he yó kem halay. Sok kól bè angat kutahu du, gna hekdutu yó kem tau muta yó kem kluon yó, gotu benkes lu ne ntem le. Omin yó he muta yó kem halay, ne omin ye mogut kul ebè fol.’ ”

Job 5:26

Angat tey ktahà klowilem. Hol lómón yóm halay, là kô nuta le du efet tilob khulóen.

Mark 4:28

Tódô lemwót bè tonok se gónón tmowok yóm lem hulu efet mungu. Tanayen, nan lemsob, ominen dmoun, ngangen ne efet mlem.

Deng Hegfan 14:18

Ne bud wen sotuhen lemwót gu bè yóm gónó le gel mtem yóm hboo le ebè Dwata. Ni se yóm hógów Dwata mogot ofi bè yó. Hgelen udélen tmaba ebè yóm hógów Dwata le mogot galab telem, monen mò du, “Nam e nuta se kóm yó kem bungu grép te tonok. Deng bang kuta kul ne.”