Mark 4:27 - Udél Dwata: Gna Kesfasad ne Lomi Kesfasad

²⁷ Bè yóm deng ksohulen du, tódô bayaen. Ke kifu, tódô tungô. Ke mwas, bud btik mò nmò. Ne yóm bnék deng huluhen yó, tódô lemsob ne henlelen tmowok se kun. Okóm yóm tau smohul du, là kô tngónen du yóm mò kmò ktowok yóm huluhen.

Mark 4:27 Referans Kwoze

Kehedem Tau Tmolok 11:5

Là kô tngónem du yóm mò kógów lenos, ne là se tngónem du yóm kmò kbut yóm ngà lem blutut yéen. Hol lómón yó se yóm là ketngónem du yóm kmò Dwata yóm Dwata mò du yóm kdéen.

2 Tisalunika 1:3

Ó kem dumu me setwoli, là kô gbek me du ke là tendo dóyón me ke Dwata lemwót bélê ye. Bong knóón du se ke yó gel nmò me, abay se sónmoen temnù yóm kehtahu ye, ne temnù snéen yóm kesbong ye nawa.

2 Pitér 3:18

Yó dé hyu bélê ye ke hol tendo temnù yóm ketngón ye yóm gónó tekuy mogot Jisas Krays, yóm deng lemwà tekuy gu lem hatay, ne ke hol temnù yóm keskél ye béléen. Hol bê tekuy abay nmò sónen yóm kdóyón tekuy du.

Mark 4:26

Bud mon Jisas mò kul, “Yóm kogot Dwata tau, hol lómón ke yóm tau smohul bnék bè dnaduhen.

Mark 4:28

Tódô lemwót bè tonok se gónón tmowok yóm lem hulu efet mungu. Tanayen, nan lemsob, ominen dmoun, ngangen ne efet mlem.