Mark 4:24 - Udél Dwata: Gna Kesfasad ne Lomi Kesfasad

²⁴ Bud mon Jisas mò kul, “Hol hentilob ye dé hmungol du ni kem gel gungol ye ni. Ke tilob khungol ye du, Dwata se heglileb du kuy yóm lanen, ne du se angat bud temnù du bélê ye yóm deng ketngón ye.

Mark 4:24 Referans Kwoze

Hibru 2:1

Ke lómónen yó kegetahen yóm gónó tekuy mogot, hol sù tekuy bè nawa tekuy sen yóm ktahuhen deng gungol tekuy anì là snonol tekuy du.

Kun Snulat Luk 8:18

Yó gónóm mon, hol ten-gama ye dé kmò khungol ye. Abay se yóm tau deng wen gwahen, angat tendo bud gel tennù Dwata béléen yóm gwahen yó. Okóm yóm tau là suen du lem hendemen yóm deng gungolen, balù yóm udì deng tehe gna tngónen, angat tódô bud kó Dwata béléen. Ofo kun hemdem du ke deng wen gwahen, okóm laen duen.”

Matyu 7:2

Bè yóm gel kmò kehedeng ye yóm kul kmò kem dumu ye, bud lómón yó se angat kmò kehedeng Dwata du yóm kuy kmò. Yó se nmò ye bè yó kem dumu ye, bud yó se angat nmò Dwata bélê ye.

Kul Nmò 17:11

Tey le móyô dmalang yó kem tau bè yó bè Beriya senta yó kem tau bè Tisalunika. Tey tilob khungol le du yóm tulón Pol, ne gel hennagì le yóm Udél Dwata ket kdaw anì ton le ke tahu yóm gel tulón Pol kul.

2 Kurin 9:6

Bê ye klifót nim monu ni, yóm tau mò hulu, ke udì huluhen, udì se angat gutahen. Okóm yóm tau bong kmoen hulu, bong se angat gutahen.

Kun Snulat Jan 10:27

Ke yu yóm dou ubiha, kaem hnungol ye udélu. Gotu tngónu lu ne gotu lolò le ou.

Kem Udél Hlalak Tehe Selumun 19:27

Ó Man, ke béi hmungol hlau yó gónóm tlas bè yó kem udél mit kóm temngón.

Isaya 55:3

Ni hnungol ye ou kem dou tau, géhél ye edini béléu. Géhél ye ne anì wen klowil ye. Wen fasad nmou bélê ye, yóm fasad laen dù sónen. Yó fasadu kuy ni, blayu kuy yóm tóbóng tehe fasadu ke Dabid.

Kun Snulat Jan 5:25

Tódô tulónu kuy ktahuhen, angat wen kdawen, ne deng duhen ni se, angat gungol yó kem tau deng matay yóm udél yóm Ngà Dwata. Sok gungol le, tódô le se bud mowil.

Mark 9:7

Yóm igò Pitér tolo mudél, tódô sut se yóm tey lobun lememek eta le, gnolungen lu, ne tódô gungol le se yóm mudél gu lemen, monen, “Ni se yóm hol dou Ngà gónón nô nawahu. Hol gel hnungol ye.”

Kun Snulat Jan 10:16

Wen he yó kem dumu ubihahu là deng sentifunu kul ebè ni. Angat gotu nitu lu snéen ne angat hnungol le yóm dou udél. Tódô angat sensotuhu bung le yóm kdê ubihahu, ne tek sotuhu se yóm angat semgyok kul.”

1 Jan 4:1

Ó kem weu do dumu sogot nawa, bê ye kendel tódô hentahu ke wen tau mon du nô béléen kun yóm Tulus Dwata. Ke yó se gel mon le, na ye na hol nilô bè ktolok le ke tahu lemwót bè Tulus Dwata duhen ke là. Yakà dengen tey dê tau tódô lembù tmugod ke Dwata nim kmoen ni.

1 Pitér 2:2

Hkél ye bè yóm ngà lomi sut, són nô bè nawahen tmutù ne yó gónón baling lemnok. Yake són Udél Dwata nô bè nawa ye se kuy mò henged kuy tutù anì lemnok kehtahu ye.

Jirimaya 17:21

Ni se udél Dwata, hol hnungol ye yóm eles hetgamahu kuy anì mowil ye. Bè yóm Kdaw Kehegnô, hol bê ye abay nwit ebè yó kem bak tikeb bè Jirusalim yó kem gel hbalù ye.