Mark 4:17 - Udél Dwata: Gna Kesfasad ne Lomi Kesfasad

¹⁷ Sok wen gfà duhen ke hlayam sut bélê le lemwót bè yóm tô kehtahu le, tódô kendel gkogol le.

Mark 4:17 Referans Kwoze

Matyu 11:6

Hligal kun yóm tau ke là megewu nawahen do.”

Deng Hegfan 2:10

Hol bê ye abay knikò yóm hlayam móyón sut bélê ye. Ngem móyón wen bélê ye geblanggù lan Seitan tmilów yóm kehtahu ye. Bede olon gefet bè sfolò kdawen yóm keglayam ye yó. Bê ye abay honol nawa ye ebéléu, baluen ke matay ye du, abay se angat benlayu yu yóm klowil laen dù sónen mò ofol ye.

Matyu 12:31

Yó gónóhu mon du mò kuy, hnifót Dwata yóm tau balù kihu salà nmoen, ne balù kihu udélen sidek gbak ebéléen. Okóm là kô hnifóten du ke sidek kbaken ebè yóm Tulus Dwata.

Deng Hegfan 2:13

“Deng gotu tngónu yóm knô ye bè yóm benwu kun knamal Seitan. Ewenem yó, là kóen monol yóm kehtahu ye béléu. Ne là se dog hnalà ye do balù yóm le khatay le ke Antipas, yóm tau alì teneb ktoloken yóm dou udél. Hnatay le bè yó lem yóm benwu gónóhen nô Seitan.

1 Jan 2:19

Yó kem tau hmohon du yó, deng le tehe gel mung bélê tekuy snéen, okóm là tahu le hemtahu, yó gónó le tmagak tekuy. Ke tahu le hemtahu, là kô deng tnagak le tekuy. Yóm ktagak le tekuy yó, yó se gónón gfan yóm là klolò le du yóm kut lolò.

Hibru 10:29

Milud he kegtafaken yóm tau ke deng kenbéen yóm Ngà Dwata, ne ke deng kenféen yóm litóen tehe hamaen béléen mò hkó salaen, ne ke sendekaen yóm Tulus Dwata, yóm tmóbóng du. Wen hol mdengen duón Dwata du yóm tau yó, ne tey sidek ktafaken du.

2 Timuti 4:16

Bè yóm tanay kbalau yó kem tau kmukum dou, balù sotu ke wen mfi do, deng mom gotu sentagak le ou. Deng hnihu bè Dwata anì là snoloen du bélê le.

2 Timuti 1:15

Deng tngónem dyó ne kóó yóm deng gotu kestagak le dou yó kem tehe dumuhu lemwót gu bè Asya, balù sem le Fidyilus ne Hérmadyinis.

Kun Snulat Jan 8:31

Ne yó udél Jisas ebè yó kem tau deng hemtahu béléen, monen mò kul, “Ke tendo nimón ye ni kem toloku, deng ye baling tau hol tahu lemolò dou ne.

Kun Snulat Luk 12:10

Ne sotuhen,” monen, “gbek Dwata hmifót du yóm tau anien ke hennéen yóm Ngà Tau. Okóm là kô na a gbek Dwata hmifót du yóm tau ke hennéen kegbek yóm Tulus Dwata.

Matyu 13:21

Okóm là kóen dmolil, tek likót le tô hemtahu. Timbow wen gfà le duhen ke wen hlayam sut bélê le lemwót bè yóm tô kehtahu le, tódô kendel gkogol le yóm tô kehtahu le yó.

Job 19:28

Kihol ye tendo solò dmelem do yóm kmon ye du, ‘Kun salà se yó.’

2 Timuti 4:10

Ke Dimas kun, deng mom tódô tnagaken ou lanen dê kenbeyen nawan lem nim benwu ni. Ne ni deng mom kól bè syudad Tisalunika. Lemwót ke Krésén, deng kól bè prubinsya Glasya, ne fen kól bè Dalmasya ke Taytus.

Glasya 6:12

Yó kem tau tendo mubug kuy lemolò du yóm hlau bè logi, yó se yó kem tau olo le beyen heklabak ne hton salù bè yó kem dumu le. Abay se ke són yó tô tolok le yóm katay Krays bè kros, ke là hmung le du yóm hlau bè logi yó, angat wen gónó le hemsidek kul yó kem dumu le Ju.

Mark 4:16

Ne yóm tonok bnotu gónóhen e gdek yó kem dumu, duhen yó se kem tau hmungol du yóm Udél Dwata, ne tey ktimu óyô le du. Okóm tek likóten yóm kehtahu le du, abay se là dmolilen.

Mark 4:18

Yóm bnék gdek elem yóm angat gónón alì mfól kluon semnual, duhen yó se kem tau hmungol du yóm Udél Dwata,