Mark 4:16 - Udél Dwata: Gna Kesfasad ne Lomi Kesfasad

¹⁶ Ne yóm tonok bnotu gónóhen e gdek yó kem dumu, duhen yó se kem tau hmungol du yóm Udél Dwata, ne tey ktimu óyô le du. Okóm tek likóten yóm kehtahu le du, abay se là dmolilen.

Mark 4:16 Referans Kwoze

Kun Snulat Luk 8:13

Yóm lusok botu gónón e gdek yó kem dumu bnék sohulen yó, duhen yó kem tau hmungol du yóm Udél Dwata, ne tey le hligal bè yóm kehtahu le du, okóm là kóen dmolil. Tek likót le hemtahu. Timbow wen tilów mgel sut bélê le, gkogol le ne yóm kehtahu le.

Mark 6:20

Abay se ke Hirod, wen klikoen ke Jan. Tódô tngónen tau tedeng kmoen, bà udì ke wen belenen, yó gónón gel mofin du. Tey móyô Hirod hmungol du yóm gel tulón Jan, okóm deng mom sónmoen sbeweg kehedemen bè yóm gel khungolen du.

Kun Snulat Jan 5:35

Yóm Jan, hol lómón ke solok, ne tey knóngen. Okóm tek likót ye tô hligal du yóm knóngen yó.

Kul Nmò 8:13

Balù se ke Simun, botong gbót hemtahu se kun. Kogol yóm kehbabtaysen, tódô hlós mung ke Filip. Tey kehtawen yó kem hentaw ton gel nmò Filip.

Kul Nmò 26:28

Bnalà Agripa Pol, monen, “Yó kô hendemem ke kendel tô henbalingem ou tau hemtahu bè Jisas?”

Matyu 13:5

Wen se sohulen gdek elem lusok botu ebè yóm gónón laen hol tonoken. Là kóen legen deng sana tmowok, abay se là mfól tonoken.

Mark 4:15

Yóm lan gónón e temsik yó kem dumu bnék sohulen, duhen yó kem tau hmungol du yóm Udél Dwata, ne sut Seitan tódô nwahen bélê le.

Mark 4:17

Sok wen gfà duhen ke hlayam sut bélê le lemwót bè yóm tô kehtahu le, tódô kendel gkogol le.