Mark 3:9 - Udél Dwata: Gna Kesfasad ne Lomi Kesfasad

⁹ Ya tey tau wen segdendel ebéléen, botong hwahen yó kem gel lemolò du yóm sotu ówóng mò gónóhen myón te él anì là katen gilad béléen yó kem tey tau.

Mark 3:9 Referans Kwoze

Kun Snulat Jan 6:15

Ne yó tô atul le, tódô tô nówóng le Jisas mò tau hol geta bélê le. Okóm tngón Jisas yóm tô nmò le, yó gónón tódô hlayuk bélê le, hetsik mógów elem bulul tek sotuhen.

Mark 5:30

Unin mdù du, tódô gnóm Jisas se yóm kwen ktued hkó des lemwót gu béléen. Ominen binguy ete kwangen, monen, “Tmau du mdù nesu ni koni?”

Matyu 15:39

Omin Jisas gotu hulék yó kem tau. Lemwót kun bud motun elem yóm ówóng, mógów etu bè yóm benwu glem lem Magadan.

Mark 4:1

Sotu kdaw bè yó, bud tmolok bè kilil Lanaw Galili Jisas, ne tey tau wen sbung ebéléen. Yó gónóm mon, lemwót Jisas tódô myón lem yóm ówóng hetów ta él, ne lemwót yó kem tau gotu le nô bè kilil él.

Mark 4:36

Tahu se, tódô tnagak le yó kem tey tau wen, ne motun le elem yóm ówóng gónó Jisas myón, ne omin le lemwót. Ne wen se kem dumu tau mówóng mung kul.

Mark 5:2

Timbow le dmuung bè kilil, omin Jisas kmó ete kembu. Tódô senlong yóm sotu tau wen busaw malak du lemwót bè yó kem kilib gónó lembeng.

Mark 6:32

Tahu se. Kewót le bè yó són lu, smakay le ówóng, mógów le ebè yóm gónón tinof.

Kun Snulat Luk 5:1

Sotu kdaw bè yó, mdà Jisas bè kilil yóm lanaw Ginésarit na a tmolok Udél Dwata. Tey genged tau segdendel ebéléen na a hmungol du.

Kun Snulat Luk 5:3

Ne tódô motun elem yóm sotu ówóng Jisas, yóm kun ówóng Simun, ne htuluden du anì mayuk udì bè kililen. Ne tahu se. Omin Jisas myón lemen na a tmolok yó kem tey tau wen.