Mark 3:35 - Udél Dwata: Gna Kesfasad ne Lomi Kesfasad

³⁵ Yó se mimón yóm kun kóyô Dwata, yó se hol twolihu ne libunu ne yéu.”

Mark 3:35 Referans Kwoze

1 Jan 2:17

Wen sónen nim benwu ni, dalang se yóm kdéen kenbeyen nawa nô lemen. Yóm tau gel mò yóm kun kóyô Dwata, laen kô dù tul sónen yóm kun klowil.

Matyu 7:21

“Là kô kdéen du yó kem tau mon du ou yóm gónó le mogot, angat gmung bè yó kem tau nogot Dwata,” mon Jisas. “Tek són olo gmung yó kem tau mimón yóm kun kóyô yóm Mà bè longit.

Kun Snulat Jan 7:17

Yó se tau móyô mimón yóm kun kóyô Dwata,” monen, “dilóen ke lemwót bè Dwata nim toloku ni duhen ke tódô lenbuu.

Sulat Jim 1:25

Okóm yóm tau sónmoen gel hemnagì du yóm hlau Dwata, yóm hlau mò hegewà du, ne kesok nimónen ne là klifóten du yóm deng gungolen, tey któbóng Dwata du yóm tau yó bè ket nmoen.

Ifisus 6:6

Bê ye olo hton du ta ke wen nmò ye mò tô gónó le dmóyón kuy. Okóm hol hewót ye lem but blutut ye yóm kmò ye du yóm kun kóyô Dwata, yakà tau ye klifen bè Krays.

Hibru 10:36

Hol hanay ye nawa ye dé anì gmò ye yóm kun kóyô Dwata, ne anì guta ye yóm tehe fasaden kuy.

1 Pitér 4:2

Yó gónóm mon, lenwóten ni ne efet kukol towok ye, yake hol nô bè nawa ye mò du yóm kun kóyô bélê ye Dwata. Bê ye abay bud nmung yó kem sidek knóyô lówó tau.