Mark 3:33 - Udél Dwata: Gna Kesfasad ne Lomi Kesfasad

³³ Yó balà Jisas du, monen, “Wen se dumu yéu, ne wen se dumu twolihu.”

Mark 3:33 Referans Kwoze

Mark 6:3

Igoen du yóm tau gel mò gónô, ne Midi yéen, ne du se twogu le Jim ne Jusif ne Judas ne Simun, ne wen se kem libunen nô gu bè ni.” Yó se gónó le kembê du.

Mark 3:21

Timbow gungol yó kem fes lówó Jisas nim ni, tódô le mógów ebéléen anì tô nwit le mulék, yakà deng wen kem tau mon du deng lengel matahen mò ke Jisas.

Dwata 33:9

Deng hegfan le yóm hol kget yóm kegfi le béléem senta yóm kegfi le bè yó kem tuha le ne bè yó kem dumu le setwoli ne bè kem ngà le. Deng gotu nimón le yó kem hlauhem kul ne tey kehteneb le lemolò du yóm deng senfasad ye.

2 Kurin 5:16

Duhen yó, là bud hendeng me du ne kul kmò yó kem dumu tau. Balù yóm tehe kehdeng me du yóm kun kmò Krays ekni, okóm là ne ni du, là bud nmò me du.

Kun Snulat Jan 2:4

Mon Jisas se mò ke yéen, “Omin he ke tulónem dou yóm nmou, Yê. Là dengen kól du he yóm dou kdaw.”

Kun Snulat Luk 2:49

Omin Jisas malà kul, monen, “Moen de ke hnebel ye ou? Là tngón ye du kô yóm naw na knô bè gónô Mà?”

Mark 3:32

Tey tau wen myón hilol Jisas, ne wen bélê le mon du mò du, “Tu le yéem ne kem twolihem ne kem libunem, nô le bè lewà, tô le móyô stulón kóm kun.”

Mark 3:34

Ominen temngel ebè yó kem tau myón hilolen ne monen, “Ngem ni kem tau nii, hol lómón ke yéu, ne hol lómón ke twolihu.