Mark 3:27 - Udél Dwata: Gna Kesfasad ne Lomi Kesfasad

²⁷ Yóm kul ogot yó kem busaw,” mon Jisas, “hol lómón yóm tau kemgis. Laen dù gusek elem gónóen na a ma yó kem kimuhen ke là nan gna nfét yóm tau kemgis yó. Ke deng gféten, yó he kegwahen yó kem nóyóen lem gónóen. Hol lómón yó se,” mon Jisas, “yóm deng nmou bè Seitan.

Mark 3:27 Referans Kwoze

Matyu 12:29

Yóm kul ogot yó kem tulus seitan,” mon Jisas, “hol lómón yóm tau kemgis. Laen kô dù tau gusek elem gónóen na a ma yó kem kimuhen ke là nan gna nfét du yóm tau kemgis yó. Ke deng gféten, yó he kegwahen yó kem nóyóen lem gónóen. Hol lómón yó se yóm deng nmou bè Seitan.

1 Jan 4:4

Okóm yó dum kuy, kem ngà, Dwata se hol mfun kuy, ne deng ye matù bè yó kem tau gel tmolok sekban yó, abay se deng nô bélê ye yóm Tulus Dwata, ne tey bong mfasang senta yóm tulus nô bè yó kem tau là hemtahuhen.

Isaya 53:12

Duhen yó, mon Dwata, angat tey kehegetahu du lem blóng yó kem tau alì tótól ne alì mfasang. Là kô nalihen du klowilen, deng gnómen yóm kul kegtafak yó kem tau mò sidek. Yóm katayen yó mò leyu lówó yóm kdéen tau gemsalà, lelen mni béléu anì hnifótu bélê le yó kem salà le.”

Isaya 27:1

Bè yóm kdaw yó, wen tey sudeng mit hatay angat nogot Dwata mò tmafak yóm swaga bong boluyen Libyatan, yóm alì metlasik gel mulu hkigù ne mò hatayen yóm sotu ógóf lóbô nô lem mohin.

1 Jan 3:8

Okóm yóm tau senflósen mò salà, du se kun tau Seitan, yakà Seitan du yóm hol mò salà lemwót bè kbuten. Yó se gónón tehe hbaling tau yóm Ngà Dwata nan e nmò sónen yóm nmò Seitan.

Kulasi 2:15

Ne bud bè tum tehe katay Krays bè kros, yó se gónón mkó du bè Seitan yóm kun kfasang, ne yóm kul kfasang yó kem dumu mtulus deng genlal Seitan. Gotu hegfanen bè gónón wen yóm deng katuen bélê le.

Kun Snulat Jan 12:31

Deng hto ne yóm buteng kkukum Dwata kul yóm kdéen tau bè klamangen benwu, ne yóm kkóhen du bè Seitan yóm kfasangen mogot benwu.

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Hibru 2:14

Yó kem ngà mon Jisas yó koni, kem tau te tonok se yó, wen unged le ne wen litô le. Ne ke Jisas kun, hbaling tau mkél bélê tekuy. Yó gónón mò du anì fen matay bélê tekuy. Lemwót bè yóm katayen yó mò lanen gemlà ke Seitan, yóm fen mogot yóm hatay.

Sulat Pol Ebè Yó Kem Tau Hemtahu Bè Rom 16:20

Tek són Dwata gónón lemwót yóm kenek nawa tekuy. Là buden legen ne yóm kdaen ke Seitan elaan anì laen dù bud gmoen bélê ye. Yó hem gónó tekuy mogot Jisas Krays hol seflós tmóbóng kuy.

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”