Mark 3:24 - Udél Dwata: Gna Kesfasad ne Lomi Kesfasad

²⁴ Ke wen benwu mesgólól nawa tauhen, ne ke sónmò le sfatay, angat meglà.

Mark 3:24 Referans Kwoze

Isikél 37:22

Bud sensotuhu lu bè benwu le. Tek sotu tau mogot kul ne là bud le sólól ne.

2 Samwél 20:6

Yó mon Dabid mò ke Abisay, “Bong sidek yóm kun nmò bélê tekuy Siba ngà Bikri senta yóm kun tehe nmò Absalum. Nwitem yó kem sendaluu anì ktes ye, déke gefet bè yóm syudad mbegel beng hilolen, ne gehlóyen tekuy.”

2 Samwél 20:1

Wen sotu tau bè yó tendo gel sembeweg kehedem tau, boluyen Siba ngà Bikri semfu gu bè Bindyamin. Yó nmoen, hunihen yóm féw bong, ne hgelen udélen, monen, “Ó kem tau Israél, laen dù kut du yóm Dabid. Laen dù ofol tekuy ke mung tekuy bè ngà Jisi. Mulék tekuy ne, kem tau Israél.”

Kun Snulat Jan 17:21

Hol hnihu béléem anì sensotuhem kehedem le, Mà, yóm kdê le, lómón yóm kut kessotu nawa, ne anì tódô gotu ssotu kehedem tekuy. Duhe kóm, sok ton yó kem tau là hemtahuhen yóm kessotu nawa yó, hentahu le yóm khógówem dou elem benwu.

Matyu 12:25

Tódô tngón Jisas yóm nô lem hendem le, ne yó gónón mon du mò kul, “Yóm benwu tendo mesgólól nawa tauhen, ne ke sónmò le sfatay, angat meglà. Balù yóm sotu gmónô, ke là ssotu nawa le, ne ke sónmò le sfatay, angat le tódô seglef.

Mark 3:23

Okóm tnaba Jisas yó kem tau mudél yó koni, wen monen mò kul, bede hningónen, monen, “Ke tahu Seitan se malak do, là kô nan e hdó kul yó kem dumuhen busaw.

Mark 3:25

Senged se ke wen sotu gmónô, ke là ssotu nawa le ne ke sónmò le sfatay, kaem angat le meglà.