Mark 3:20 - Udél Dwata: Gna Kesfasad ne Lomi Kesfasad

²⁰ Omin Jisas bud mulék ebè gónóen, mung du yó kem gel lemolò du. Ne ya tey tau wen bud stifun ebéléen, botong là getngón le du mken.

Mark 3:20 Referans Kwoze

Mark 6:31

Tódô setgafit gnan tau mógów ebè Jisas, botong là dogen gel gken dalang se yó kem gel lemolò du. Yó gónón mon du mò kul, “Lemwót tekuy ne, mógów kuy ebè yóm gónón tinof anì na ye gehegnô.”

Kun Snulat Luk 6:17

Omin Jisas mosol, mung du yó kem tau lomi néléken mò hógówen yó koni. Mdà bè yóm gónón datal, ne tey dê yó kem dumu tau gel lemolò du nô béléen bè yó. Tey dê kem dumu tau deng kól bè yó snéen lemwót gu bè klamangen prubinsya Judiya, ne gu bè syudad Jirusalim, ne wen se lemwót bè yó kem syudad bè kilil mohin boluyen Tayal ne Sidon.

Mark 9:28

Timbow le motun bè yóm gónô le Jisas, tek sónen lu nô bè yó, snólók yó kem gel lemolò du, mon le, “Moen de kum ke là gbek me hdó du yóm busaw malak du yóm ngà tu koni?”

Mark 7:17

Omin Jisas tmagak yó kem tey tau sbung, ne husek elem gónô. Mógów le ebéléen yó kem gel lemolò du, snólók le béléen hol lan yóm deng monen yó koni.

Mark 3:9

Ya tey tau wen segdendel ebéléen, botong hwahen yó kem gel lemolò du yóm sotu ówóng mò gónóhen myón te él anì là katen gilad béléen yó kem tey tau.

Mark 3:7

Lemwót Jisas mung du yó kem gel lemolò du, mógów le etu bè kilil Lanaw Galili, ne tey tau wen mung du. Lemwót le bè prubinsya Galili ne Judiya,

Mark 1:45

Okóm bè yóm deng kulék yóm tau yó, deng mom tódô gotu tulónen bè kdéen tau yóm deng kekó Jisas yóm desen. Botong là dogen gógów ebè yó kem dumu benwu Jisas, bà mon tey tau wen tendo seklot ebéléen. Yó nmoen, tódô gel htólóng ebè yó kem benwu laen dù tauhen. Ewenem yó, sana tey kwen tau lemwót bè ket benwu tendo gel mógów ebéléen.

Mark 2:1

Timbow kogolen bè yó, bud mulék ebè Kapérnaum Jisas, ne tódô kendel tngón yó kem tau yóm deng kkólen bè gónóen.

Mark 3:19

ne Judas Iskariyut, yóm fen bemlay ke Jisas sumóng.