Mark 3:17 - Udél Dwata: Gna Kesfasad ne Lomi Kesfasad

¹⁷ Jim ne yóm twolihen Jan (kem ngà Sibidi. Yó iba Jisas kul, Buanirgis. Yó lanen, “Kem Ngà Lugung.”)

Mark 3:17 Referans Kwoze

Hibru 4:12

Yóm Udél Dwata, tey mlan, ne tey gembek. Ke hningón tekuy yóm udél Dwata, hol lómón ke sudeng, tey gembon ke wen tenbeken. Milud he kegbonen yóm udél Dwata, abay se tódô gotu tngón Dwata yóm kmò tekuy ne yóm knawa tekuy. Ne gotu henklolen yóm nô lem nawa tekuy ne yóm nô lem hendem tekuy.

Mark 14:33

Tlu tau niten, Pitér ne Jim ne Jan. Ne tódô gleket béléen yóm tey ksidek kegnómen du,

Mark 5:37

Kewót Jisas bè yó, tek són Pitér ne Jim ne twolihen Jan nwiten, là nwiten kul yó kem dumu tau.

Jirimaya 23:29

Yóm dou udél,” mon Dwata, “hol lómón ke ofi gotu kenen kdéen. Ne sotuhen, hol lómón ke bakbak gbeken bemtù botu.

Kul Nmò 12:1

Bè yóm kdaw yó, yó nmò Hirod, yóm tau hol geta bè yóm benwu yó, nbuten ne hemsidek yó kem tau hemtahu bè Jisas.

Kun Snulat Jan 21:2

Lemwót le Simun Pitér slomong le Tumas (yóm gel niba le Héng) ne Natanyél yóm lemwót bè Kana, yóm benwu udì snakuf Galili ne yó kem lewu ngà Sibidi ne bud lewu bè yó kem dumu le gel lemolò ke Jisas.

Mark 10:35

Timbow kogolen bè yó, sut le bè Jisas yó kem lewu tau setwoli Jim ne Jan, ngà Sibidi, mon le mò du, “Ó Sér, wen tô hni me béléem.”

Mark 9:2

Timbow deng bud nem kdawen bè yó, lemwót Jisas mneged ebè yóm sotu bulul bè yó, nwiten Pitér ne Jim ne Jan, tek sónen lu. Bè yóm knô le bè yó, tódô sfili kton le ke Jisas.

Isaya 58:1

Yó udél Dwata, monen, “Hol hgelem udélem. Hol tulónem yó kem dou tau Israél yó kem salà le.

Deng Hegfan 10:11

Ominen bud wen mon du mò dou, monen, “Hol bud sentbongem yóm tulón Dwata gbak ebè kdéen tau bè klamangen benwu, yó kem tau stólóng benwu le, stólóng kbut le, ne stólóng udél le, ne bud gbak ebè yó kem tau mogot kul snéen.”

Matyu 4:21

Ngang le bud mógów efet bud ton Jisas yó kem lewu tau setwoli, boluy le Jim ne Jan, hono ngà Sibidi. Tolo le nô lem ówóng le, mung kul mà le. Yó nmò le, bneteng le yó kem ksê huket le. Yóm kton Jisas kul, tódô tnabahen lu.

Mark 3:16

Ni se boluy yó kem sfolò lewu tau néléken: Simun (yóm bnoluyen Pitér).

Mark 3:18

Ne Andru ne Filip ne Bartulumyu ne Matyu ne Tumas ne yóm sotu Jim ngà Alfiyus ne Tadiyus ne yóm sotu Simun, yóm tau tehe mung mofin yóm kul benwu

Kun Snulat Luk 9:54

Timbow tngón Jim ne Jan yóm là khódó le kul bè yó, mon le mò ke Jisas, “Ke móyói, Sér, mni me ofi gu bè longit anì gotu le meglà yó kem tau yó.”