Mark 3:14 - Udél Dwata: Gna Kesfasad ne Lomi Kesfasad

¹⁴ Ne sfolò lewu tau néléken ne yó boluyen kul aposol. Yó monen mò kul, “Deng néléku yu mò tau hol mung dou ne mò tau gel hógówu snéen mit yóm dou tulón.

Mark 3:14 Referans Kwoze

Kul Nmò 1:8

Okóm ke deng sut bélê ye yóm Tulus Dwata, angat wen se kuy kfasang, ne angat sensból ye bè Jirusalim yóm deng nmou, bud senged se bè klamang prubinsya Judiya efet kól etu bè klamang prubinsya Samarya, ngangen efet lenngeben klamang benwu.”

Kun Snulat Jan 15:16

Là kô yu du mélék do, ou se fen mélék kuy. Yó gónóhu mélék kuy mò hógówu anì hol ye mungu, yóm kbungu laen kô dù tul sónen. Ke ni se nmò ye, balù kihu hni ye bè Mà mlan bè dou boluy, tódô blayen kuy.

Glasya 1:1

Ou se Pol gónóhen lemwót nim sulat ni, yóm tau fen gel hógów Jisas Krays. Là kóen lemwót bè tau yóm gel kógówu ni, ne là kóen mlan bélê le snéen. Okóm tódô lemwót bè Jisas Krays lewu le Dwata, yóm Mà tekuy, yóm tehe hlowil ke Jisas.

Kun Snulat Luk 24:47

Lemwót bè kun boluy, wen lan Dwata hmifót salà yó kem tau deng hegsel.’ Ni se,” monen, “yóm tulón angat hlós sensból ye bè klamangen benwu. Bè ni bè Jirusalim gónó ye mbut hból du.

Mark 3:13

Bud kewót Jisas bè yó, mógów elem bulul, ne htabahen yó kem tau nóyô niten. Tahu se, mógów le ebéléen.

Mark 3:15

Ne wen kwalis blayu kuy anì gbek ye hdó busaw.”

Mark 6:30

Timbow le gotu bud mulék ebè Jisas yó kem hógówen, gotu tulón le du yóm deng gendeng le ne yóm gel ktolok le.