Mark 3:10 - Udél Dwata: Gna Kesfasad ne Lomi Kesfasad

¹⁰ Deng dê ne bélê le hkóhen des le. Yó gónóm mon alì wen kem dumu tau gemnóm des alì segdendel ebéléen anì gdù le.

Mark 3:10 Referans Kwoze

Mark 6:56

Kihu benwu gónón e solu, benwu lembang duhen ke benwu lemnek, sal gel mdengen gónó le semtifun kul yó kem tau gemnóm des. Gel henkodu le bè Jisas ke balù olo le gemdù nesen yó kem tau gemnóm des. Tahu se, tódô kdéen tau gemdù nesen, gotu le bud hyu.

Matyu 14:36

Henkodu le béléen baluen ke olo le gemdù kilil nesen yó kem tau gemnóm des. Tahu se, tódô kdéen tau gotu mdù nesen, tódô le gotu bud hyu.

Matyu 4:23

Kewót Jisas bè yó, tódô lenngeben prubinsya Galili. Yó nmoen, gel tmolok bè yó kem kul gónó le gel stifun yó kem Ju. Hetngónen kul yóm Tulón Hyu gbak ebè kun kogot tau Dwata, lelen gel hkó des yó kem tau, balù kihu kay des le.

Kul Nmò 5:15

Lemwót bè yóm gel nmò yó kem hógów Jisas, yó nmò kem tau, gotu nwit le yó kem gemnóm des bélê le, sù le lu ta katri duhen ke ta igam le, ne hasà le lu gu bè kilil lan. Nangat le bud kius Pitér. Anien ke olo olungen he gemlan gu ta le, kaem tódô mkó yóm des le.

Kun Snulat Luk 7:2

Ne wen kfitan nô bè yó lemwót bè Rom, wen sotu tau mò nmò béléen alì kenbong nawahen. Tey sidek kleed desen, móyónen tô matay.

Hibru 12:6

Abay se sal gel hentedengen yóm tau kenbong nawahen, ne sal gel tnafaken yóm tau deng henmóyóen mò ngaen.”

Mark 5:34

Mon Jisas se mò du, “Yó ne, Lenibun, bè yóm kehtahuhem béléu, yó se gónón mkó yóm desem. Tu ne, muléki. Dwata he henek nawahem. Laen dù bud sfuhen ne yóm desem.”

Matyu 14:14

Timbow dmuung le Jisas, tódô tonen yó kem tey tau wen deng gna ebè yó. Ya tey kkoduhen kul, gotu hkóhen yó kem des le.

Matyu 12:15

Tódô tngón Jisas yóm tô khatay le du, yó gónón tmagak yóm benwu yó. Tey dê tau bud lemolò du, ne gotu hkóhen des yó kem tau semlaw.

Lista 11:33

Bè yóm tolo lel le mutón du, tódô sut bélê le yóm kebut Dwata kul ne wen des mekto hwiten ebélê le.

Tekang Kbuten 12:17

Okóm lemwót bè yóm kwiten ke Saray ebè gónóen, yó gónó Dwata hemwit ebéléen ne ebè yó kem tau nô lem yóm gónô bongen yóm tey des sidek.

Mark 8:22

Ngang le Jisas mówóng bè yó efet le dmuung bè Bitsayda. Bè yóm kkól le bè yó, wen tau butô nit le ebè Jisas, ne henkodu le béléen anì olon menok du.

Kun Snulat Luk 5:3

Ne tódô motun elem yóm sotu ówóng Jisas, yóm kun ówóng Simun, ne htuluden du anì mayuk udì bè kililen. Ne tahu se. Omin Jisas myón lemen na a tmolok yó kem tey tau wen.

Kun Snulat Luk 6:19

Tódô kdê yó kem tau gemnóm des, gotu tô na a mdù ke Jisas, abay se wen yóm ktued hkó des lemwót béléen. Ne tódô gotu mkó se des le yó kem tau gemdù du.

Kun Snulat Luk 7:21

Bè yóm kgefet le bè Jisas yó kem tau hógów Jan yó, tolo lel Jisas hkó yó kem dê kay des bè yó kem tau, ne hdóhen se yó kem busaw gel malak yó kem tau. Ne yó kem butô gotu htonen lu.