Mark 2:8 - Udél Dwata: Gna Kesfasad ne Lomi Kesfasad

⁸ Tódô tngón Jisas yóm nô lem hendem le, yó gónón mon du mò kul, “Moen de ke lómón yó kmò kehedem ye?

Mark 2:8 Referans Kwoze

Kul Nmò 8:22

Hegseli dé bè yóm tey sidek tô atulem ni,” mon Pitér, “ne holi mni bè Dwata anì hnifóten béléem yóm alì ksidek kehedemem yó.

Kul Nmò 5:3

Bè yóm kkól Ananiyas bè Pitér, yó mon Pitér mò du, monen, “Tey Ananiyas, moen du ke nmungem Seitan? Dengi mom tmulón kéng bè yóm Tulus Dwata. Kaem deng wen bnosem du nim filak ni mò kóm.

Kun Snulat Jan 6:64

Okóm wen se bélê ye là hemtahu du.” (Yó gónó Jisas mon du yóm yó, abay se deng eles tódô tngónen lemwót bè kbuten yó kem tau là hemtahuhen, ne eles tngónen se yóm tau angat matul du anì gekfô yó kem hmohon du.)

Kun Snulat Luk 24:38

Okóm yó udél Jisas ebélê le, monen, “Mò ye kat likò ni du? Moen de ke megewu se nawa ye dou du?

Kun Snulat Luk 6:8

Okóm deng eles tngón Jisas ne yóm nô lem hendem le, ewenem yó tódô monen mò yóm tau deng kimoy sigelen, “Ó Wè, mógówi edini kun béléu.” Tahu se, mógów ebè Jisas yóm tau yó.

Kun Snulat Luk 5:22

Tódô tngón Jisas yóm nô lem hendem le, yó gónón mon du mò kul, “Moen de ke lómón yó yóm kehedem ye ebéléu?

Matyu 9:4

Tódô tngón Jisas yóm nô lem hendem le, yó gónón mon du mò kul, “Moen de ke sidek kmò kehedem ye ebéléu?

Kem Lingón 139:2

Deng gotu tngónem yóm kdê nmou, ne yó kem angat hendemu, deng eles tngónem.

Hibru 4:13

Laen kô dù gebnos bè Dwata. Balù sotu bè yó kem deng dlimunen ke mone tô gebnos béléen, gotu tonen kentihen. Bè soluhen gónó tekuy angat mdà hulin kdaw, ne angat gotu benkas ebéléen kdê yó kem deng nmò tekuy.

Kun Snulat Jan 21:17

Bud mon Jisas mò ke Pitér bè getluhen dulék, monen, “Ó Simun, ngà Jan, bong nawahem dou kô?” Tô muni nawa Pitér abay se deng tlu dulék Jisas smólók du. Ne mon Simun se kun, “Tódô gotu tngónem se yóm kdéen, Sér. Tngónem se yóm kbong nawahu kóm.” Bud mon Jisas se, “Sen-gyokem dou sen ubihahu.

Mark 7:21

Abay se lemwót gu lem hendem tau yóm kdéen nmò sidek, lómón mò samuk, ne mnagaw, ne monok,

Isaya 55:7

Yó kem tau gel mò sidek, yake hol tnagak le ne yó kem sidek gel nmò le, yake hol tenles le ne kmò kehedem le. Yake hol le semfulék ebè Dwata yóm Dwata hol gónó mogot. Tey knoduhen kem tau ne mahil béléen hmifót salà.

Kem Udél Hlalak Tehe Selumun 24:9

Yóm tau book tódô ket natulen sal gónó gemsalà ne kenlit kem dumu tau yóm tau gel semdekà.

Kem Udél Hlalak Tehe Selumun 15:26

Tey keklit Dwata du yóm kul kehedem yó kem tau gel mò sidek, okóm hligal du udél yó kem tau laen dù belen kehedem le.

1 Tutul Israél 29:17

Tngónu se, Dwata, gel henklolem yóm nô lem but blutut me, ne teyi hligal ke tonem yóm kgulit me. Nim kdê blayu ni, hol lemwót lem but blututu, ne deng hol tonu bè yó kem tauhem nô bè ni yóm hol kewóten lem but blutut le se kul yó kem blay le kóm, mung du yóm tey kehligal le.

Deng Hegfan 2:23

Tódô gotu hnatayu snéen yó kem tau gel lemolò du. Yó gónóhu mò du yóm yó anì tngón kdéen tau hemtahu béléu yóm klaen dù gebnos béléu, gotu tngónu yóm nô lem hendem le ne yóm dê tô hendeen le. Angat blayu kuy yóm mò balà yóm kuy deng gel nmò, yóm ket kuy na sotu.

Matyu 12:15

Tódô tngón Jisas yóm tô khatay le du, yó gónón tmagak yóm benwu yó. Tey dê tau bud lemolò du, ne gotu hkóhen des yó kem tau semlaw.

Matyu 16:7

Stulón le són lu yó kem gel lemolò du, mon le, “Yó dô gónón mon du yóm yó, yakà klifót tekuy du mit mambang.”

Mark 2:7

“Moen ke lómón ni kudélen tau ni? Kóem hsengeden knóen bè Dwata. Laen kô dù tau gembek hmifót salà, tek són Dwata.”

Mark 2:9

Là kóen na a mahil mon du, ‘Hnifótu ne yó kem salaem.’ Ne là se kóen mahil mon du, ‘Btiki, ne mógówi.’