Mark 2:27 - Udél Dwata: Gna Kesfasad ne Lomi Kesfasad

²⁷ Bud mon Jisas mò kul, “Là kô yó du gónó Dwata mò yóm tau ke mò fen lemolò yóm kdê hlolò bè Kdaw Kehegnô. Okóm yó dé gónón mò yóm Kdaw Kehegnô mò lanen tmóbóng tau.

Mark 2:27 Referans Kwoze

Kulasi 2:16

Duhen yó, hol bê ye abay hnungol ke dê hlii le kuy bè ken ne bè ninum, ne ke dê hlolò le kuy bè yó kem dumu kdaw, ne bè ksut yóm lomi bulón, ne bè yóm Kdaw Kehegnô.

Kun Snulat Luk 6:9

Ne mon Jisas mò yó kem tau sbung, “Wen snólóku bélê ye. Tedu se yóm bang nmò bè yóm Kdaw Kehegnô anì là gsalà tekuy du yóm hlau tekuy? Hyu kô ke tnóbóng tekuy kem dumu tekuy, duhen ke hensidek tekuy lu? Ke lenowil tekuy sotu tau, duhen ke hnatay tekuy?”

Dwata 5:14

okóm bè yóm ghituhen kdaw, yó se yóm Kdaw Kehegnô hetfing ye ebéléu. Bè yóm kdaw yó, béen abay wen bélê ye mò nmò, balù uu ne yó kem ngaem ne yó kem hesekem ne yó kem ógófem duhen ke yó kem tau milo nô bè yóm kuy benwu, hol bê le abay mò nmò. Yó kem hesekem, hol le hegnô lómón yóm kóm kehegnô.

Isaya 58:13

Yó bud udél Dwata, monen, “Hyu ke hol nadat ye yóm Kdaw Kehegnô ne ke là kulel kebel ye filak bè yóm kdaw yó. Hyu ke hol bong muhen bélê ye yóm dou kdaw yó ne ke là wen gónó ye e solu ne là wen gel nmò ye ne là mon ye du yó kem udél laen dù muhen.

Kun Snulat Jan 7:23

Ke gel tnulì ye yóm ngà bè yóm Kdaw Kehegnô anì là gulé ye du yóm hlau Musis, moen de ke lenbut ye ou bè yóm tehe kkóhu des bè Kdaw Kehegnô?

2 Kurin 4:15

Yó se gónó me hembala du yó kem mgel gel sut bélê me mò lan me tmóbóng kuy. Abay se ke sónmoen temnù tau tnóbóng Dwata, sónmoen se temnù tau dmóyón du. Yó se sotu alì gónón megdóyón Dwata.

Dwata 5:12

Hol hetfing ye yóm Kdaw Kehegnô ne hol béen abay wen nulé ye bè yó kem dou hlolò kuy bè yóm kdaw yó. Ou se yóm sana kuy Dwata hol gónó mogot fen hlolò du kuy nim ni.

Mark 2:28

Yóm Ngà Tau, du se wen kwalisen fen tmolok du kuy yóm hyu mò du bè yóm Kdaw Kehegnô.”