Mark 2:20 - Udél Dwata: Gna Kesfasad ne Lomi Kesfasad

²⁰ Okóm angat wen ke kdawen, tódô nwa le bélê le yóm logi myehen. Yó he kton ye kul fasting.”

Mark 2:20 Referans Kwoze

Kun Snulat Luk 17:22

Bud mudél Jisas ebè yó kem gel lemolò du, monen mò kul, “Angat wen kdawen tey kehdeen ye du ke géhél bud semfulék ebélê ye yóm Ngà Tau, balù olon sendaw, okóm là kô ton ye du.

Deng Hegfan 21:9

Ominen mógów ebéléu yóm sotu hógów Dwata, mogot sotu bè yó kem hitu tukung gónón nô yó kem hol són hlayam, monen mò do, “Mungi do, naw e tolok kóm yóm libun yehen yóm Ngà Ubiha.”

Deng Hegfan 19:7

Hol tekuy hligal dé, hol dóyón tekuy yóm tey kegetahen, yakà dengen hto ne yóm buteng kmò le ken bè lówó yóm Ngà Ubiha, ne deng eles hetifes ne yóm libun angat yehenen.

2 Kurin 11:27

Tey gel kmou nmò efet sidek klitegu. Tey dê duléku ne là gel gtungô. Dê duléken se sidek kbitilu ne sidek kleengu. Tey dê duléken se laen dù gónóhu ma mò kenu, ne laen se dù bud gónóhu e mefet, lelen laen dù hol gel nesu.

2 Kurin 11:2

Yó gónóhu tmulón du kuy nim ni, abay se sidek kélés nawahu kuy, hol lómón yóm kun kélés nawa kuy Dwata. Yó gónóhu e hmingón kuy, lómón ke sawang ye libun deng fen lenintihu ebè yóm sotu tau, duhen Krays.

1 Kurin 7:5

Yó gónóm mon, yu kem tau syehen, hol ye gel steneb stungô. Són yó dé gónó ye là stungô ke wen kdaw blay ye ke Dwata anì laen dù hmala kuy bè yóm kni ye béléen. Okóm eles sentngón ye gna, omin ye bud stungô kogolen. Ke ni se nmò ye, laen dù lan Seitan smindil kuy lemwót bè yóm là kegbek ye mafas nawa ye.

Kul Nmò 14:23

Tódô ket yó kem benwu gónó le tehe tmolok, sal gel wen kem tau tuha nélék le mò fen malak yó kem tau hemtahu bè yó. Sok deng gel kélék le kul, glok le fasting, ne mni le bélê le bè Dwata, ne hogot le lu bè Jisas, yóm gónó le mogot deng snalig le.

Kul Nmò 3:21

Okóm nan nô bè longit he efet deng hto yóm kdaw bud kehlomi Dwata kdê yó kem deng tehe nmoen. Yó se yóm tehe tulónen ekni hlanen bè yó kem tehe tugoden.

Kul Nmò 1:9

Timbow deng kudél Jisas, ominen tódô ganag haway etta efet tódô lana lem mata le elem tum lobun.

Kun Snulat Jan 17:13

Ni, Mà, móyóne mulék ebéléem. Ni se yóm hnihu béléem bè yóm tolo knóu dini ni anì hol gsengel kligal le ni kem dou tau, lómón yóm dou kligal.

Kun Snulat Jan 17:11

Ne ni, bude mulék ebéléem. Móyón tnagaku ne dou nim benwu ni, okóm yó kem tau deng blayem do yó, tolo le tebel bè ni lem benwu. Uu se, Mà, yóm laen dù belenen. Mnihe béléem anì hol kenlungem lu hlanem bè yóm kóm boluy alì mfasang, yóm boluy tehe blayem do. Tnóbóngem lu anì baling ssotu nawa le lómón yóm kut kessotu nawa.

Kun Snulat Jan 16:28

Tahu se, lemwóte gu bè Mà, ne mógówe edini lem benwu. Ne ni, naw tnagak yóm benwu ni, bude mulék ebè Mà.”

Kun Snulat Jan 16:7

Okóm tódô tulónu kuy ktahuhen,” mon Jisas. “Tey hyu bélê ye nim kuléku ni. Ke là muléke, là kóen angat sut bélê ye yóm mò tmóbóng kuy. Okóm ke muléke, yó he khógówu du edini bélê ye.

Kun Snulat Jan 13:33

Là buden legen ne, kem ngau,” mon Jisas, “yóm knóu lem blóng ye. Angat hnebel ye ou, okóm bud tulónu kuy yóm tehe tulónu yó kem Ju wen glalen, là gógów ye edu se kuy yóm gónóhu e solu.

Kun Snulat Jan 3:29

Duhen yó,” mon Jan, “hol lómón ke yóm logi myehen, deng du funen yóm libun yehenen. Okóm yóm wè yóm logi myehen yó, tódô mdà bè yó, ne tey kehyu nawahen kungolen udél yóm ween myehen. Hol lómón yó se kligalu ni kmoen ni.

Matyu 26:31

Bè yóm tolo lel le mógów, mon Jisas mò yó kem gel lemolò du, “Kifu ni kdeng tódô gotu sentagak ye ou, yakà deng monen du bè yóm Sulat Dwata, yó monen, ‘Angat hfatay Dwata yóm tau semgyok ubiha, ne tódô gotu sekla yó kem ubihahen.’

Sikaraya 13:7

Yó bud udél yóm Dwata laen dù là gbeken du, monen, “Yó ne, sudeng, hnatayem yóm tau semgyok yó kem dou ubiha, yóm tau hol fi béléu. Hnatayem yóm tau semgyok ubiha anì gotu le sekla yóm kdê ubiha le. Ne fen ou tmafak yó kem hanà lemnek.

Isaya 54:5

Yóm Dwata tehe dmimun kóm, hol lómó kmoen ebéléem hol lómón ke du yóm tuha logihem. Yó kun boluy, duhen yóm Dwata laen dù là gbeken du. Angat lenwaen uu yóm Dwata yó kem tau Israél yóm laen dù belenen. Du se yóm hol kmamal yóm klamangen.

Kem Lingón 45:11

Yakà dengen gbóy bè ktilobem yóm tau hol geta. Hol nadatem, yakà du se gónóhem mogot.

2 Kurin 6:5

Ngem deng glan me ne yóm gel kfes le kum, ne yóm gel keblanggù le kum, ne yóm gel kesegluk le hemsidek kum. Ne deng gnóm me snéen yóm alì sidek gel kliteg me, ne yóm là hol kegtungô me, ne yóm gel kbitil me.

Kun Snulat Jan 12:8

Tendo gel wen tau élél nô lem blóng ye se kuy,” monen, “okóm là kô senflósu du nô lem blóng ye dou.”

Matyu 9:15

Ne bnalà Jisas lu, bede hningónen, monen, “Ke wen mò ken, là gbek le du ke là gbót le mken yó kem tau hol bak mulu yóm igoen tolo nô bélê le yóm logi myehen. Okóm angat wen kdawen tódô kwa le du bélê le yóm logi myehen. Yó he kton ye kul fasting.”

Mark 2:19

Ne bnalà Jisas lu, bede hlanen bè hlingón, monen, “Ke wen mò ken bè mulu, là kô gbek le du ke là gomong le mken yó kem tau tinok le edu yóm igoen tolo nô bélê le yóm logi myehen.

Mark 2:21

Ne wen bud mon Jisas mò kul bè yóm là kehyu sembool du yóm kun tolok bè yóm tolok gna, bede bud hlanen bè hlingón, monen, “Laen kô dù tau ke klefengen bè yóm nes bolok yóm nes hanà lomi. Ke yó nmoen, ngem ke kemsong yóm nes lomi, ten-geeden heksê yóm nes bolok.

Kun Snulat Luk 5:35

Okóm angat wen kdawen tódô kó le bélê le yóm logi myehen. Yó he kton ye kul fasting.”