Mark 2:12 - Udél Dwata: Gna Kesfasad ne Lomi Kesfasad

¹² Ne tahu se, bè yóm igò le temngel, tódô btik yóm tau yó koni, ne nwahen yóm tehe gónó le semtihang du, ne tódô lemwót mulék. Ya tey keseftaw le du, ne tey kdóyón le ke Dwata, mon le, “Là kô deng sulék ton me du kum nim ton me ni.”

Mark 2:12 Referans Kwoze

Matyu 9:33

Timbow hdó Jisas yóm tulus seitan nô béléen, tódô bud gudél se yóm tau yó. Tey ketnga le du yó kem tau sbung bè yó, mon le, “Là kô deng wen ton tekuy bè klamangen Israél deng mò du yóm kun nmò nim tau ni.”

Matyu 9:8

Timbow ton yó kem tau sbung nim nmò Jisas ni, tô le likò, lel le dmóyón ke Dwata bè yóm tey kfasang blayen bè tau.

Kun Snulat Luk 7:16

Tódô le se gotu likò yó kem tau mton du, mung du yóm tey kdóyón le ke Dwata, mon le, “Deng sut lem blóng tekuy yóm tugod Dwata alì mfasang.” Mon kem dumu, “Deng kól lem blóng tekuy ne Dwata nan e lenwà kem kun tau.”

Kul Nmò 4:21

Okóm yó kem tau mogot kukum, mom milud kbólów le kul bè yóm ktolok le, omin le tódô hefewà kul. Là mlos le tmafak kul, abay se tey dê tau dmóyón ke Dwata lemwót bè yóm deng kehyu yóm tau kihod.

Kun Snulat Jan 9:32

Lemwót bè hol kbut benwu,” monen, “laen kô deng gungol tekuy he tau gembek hton du yóm tau butô lemwót bè ksuten.

Kun Snulat Jan 7:31

Okóm tey wadag bè yó kem tau sbung bè yó hemtahu béléen, mon le, “Deng duhen ni se yóm Misaya. Laen kô dù tau gembek mò du yó kem hentaw ton mkay senta yóm gel nmoen.”

Kun Snulat Luk 17:15

Wen sotu bélê le bè yóm ktonen du yóm deng kkó yóm desen, tódô mlóy semfulék ebè Jisas, ya tey kdóyónen ke Dwata, tey kehgelen udélen.

Kun Snulat Luk 13:13

Omin Jisas menok du yóm libun yó, ne tódô henmungen se btol yóm kwangen, ne ya tey kdóyónen ke Dwata.

Kun Snulat Luk 5:26

Ya tey sidek ketnga yó kem tau deng mton du, lel le likò. Gbót dóyón le Dwata, yó mon le, “Tey hentaw ton nim deng ton tekuy kemdaw ni.”

Mark 1:27

Ya tey ketnga le du yó kem tau nô bè yó, són mò le semtulón du, mon le, “Tedu mni? Tey tólóng kun ktolok tau ni. Wen kwalisen hdó yó kem busaw, ne tódô nimón le.”

Matyu 15:31

Tey ketnga le du yó kem tau yóm kton le yó kem umew bud le gudél, yó kem tau tiked gotu bud hyu, ne yó kem tau tugô gotu bud mekteng kógów le, yó kem tau butô gotu bud mton. Ya tey kdóyón le ke Dwata, yóm kul gónó hemtahu yó kem tau Israél.

Matyu 12:23

Ya tey ketnga le du yó kem tau sbung bè yó, mon le, “Déke ni yóm mon le semfu gu bè yóm tehe Dabid.”

Mark 2:11

“Ni monu mò kóm, Man, mdai ne, ne nitem yóm gónó le semtihang kóm yóó, ne muléki ebè gónóem.”