Mark 16:20 - Udél Dwata: Gna Kesfasad ne Lomi Kesfasad

²⁰ Kewót le se kul yó kem tau gel lemolò du, hetngón le bè klamangen yóm Tulón Hyu gbak ebè Jisas. Tey tendo gel któbóng Jisas kul yóm gónó le mogot, hlanen bè yó kem hentaw ton gel nmò le mò gónón hegfan yóm hol ktahu yóm tulón gel nwit le.]

Mark 16:20 Referans Kwoze

Kul Nmò 14:3

Bong na le legen le Pol bè yó. Là kô wen klikò le tmulón du yóm tulón hyu gbak ebè Jisas yóm gónó le mogot. Tey kehdilô Jisas du bè yó kem tau hmungol kul yóm hol ktahuhen yóm hyu gel tulón le, hlanen bè yó kem hentaw ton gel hmoen kul le Pol.

Hibru 2:4

Ne ke Dwata kun, bud du se gemtanud du yóm ktahuhen yóm gel tulón le hlanen bè yó kem tey dê hentaw ton hmoen kul, lelen wen yóm kenhulung lemwót bè Tulusen tódô blayen bè yó kem tau deng néléken.

Sulat Pol Ebè Yó Kem Tau Hemtahu Bè Rom 15:19

duhen yó kem hentaw ton gel hmoen do, ne yóm tey kfasangen bélê le yóm Tulus Dwata. Tehe lemwót bè syudad Jirusalim efete kól ditu bè yóm sotu prubinsya Ilirikum, gotu hetngónu bélê le yóm Tulón Hyu gbak ebè Krays.

Kul Nmò 5:12

Tey dê hentaw ton gel nmò yó kem hógów Jisas lem blóng yó kem tau. Ne kdê yó kem hemtahu bè Jisas, gotu le gel stifun bè yóm gónô hgolung tehe hefdà Selumun bè Gónô Dwata.

Kul Nmò 4:30

Hol hegfanem bélê le yóm kóm kfasang hkó des, ne hol nmoem yó kem dumu hentaw ton gel nmoem hlanem bè boluy Jisas, yóm tóbóng lówóhem, yóm laen dù belenen.”

2 Kurin 6:1

Duhen yó, lemwót bè yóm deng keseglomong me mò nmò bè Dwata se kum, yó gónó me mon du mò kuy, hol bê ye abay hningay yóm któbóng Dwata kuy.

Mark 16:19

Kogol yóm kudél Jisas ebélê le, ominen tódô ganag haway etta bè longit, ne myón fi bè kwanan Dwata.

Kun Snulat Luk 1:1

Deng dê ne tau hmotu gel le smulat du yóm deng nmò Jisas lem blóng me.

Kun Snulat Luk 1:2

Tódô nulit le yóm deng gel tulón le kum yó kem tau tehe mton du lenwóten bè kbuten, yó kem tau deng gel hetngón du yóm tehe kun tolok Jisas.

Hibru 2:3

Mom milud he kegtafak tekuy ke là kenmón tekuy du yóm tey hyu deng nmò Dwata bélê tekuy mò lan tekuy gewà gu lem hatay. Yó sem gónó tekuy mogot yóm tanay tmulón du yóm lan yó, ne lemwót yó kem tau mungol du, bud lu se hetngón du tekuy yóm ktahuhen.