Mark 16:18 - Udél Dwata: Gna Kesfasad ne Lomi Kesfasad

¹⁸ Ke gkem le yó kem ulal, duhen ke ginum le yóm ninum gónó matay, là kô le na a matay du. Ne ke nnok le lówó yó kem tau wen des le, tódô mkó yóm des le.”

Mark 16:18 Referans Kwoze

Kun Snulat Luk 10:19

Ngem, lemwót bè yóm kwalis deng blayu kuy,” monen, “là kô le bud lóbô bélê ye ne yó kem ulal, anien ke gdà ye lu, dalang se yó kem syufón. Ne balù sentenga se kun kgis yóm hohon tekuy Seitan, là kóen matù bélê ye.

Kul Nmò 19:12

Balù yó hem olo mesalahen duhen ke kayaben, ke nit le bè yó kem tau wen des le, kaem tódô mkó se yó kem des le. Balù yó kem tau nalak busaw, tódô gel mdó se yó kem busaw malak kul.

Kul Nmò 4:30

Hol hegfanem bélê le yóm kóm kfasang hkó des, ne hol nmoem yó kem dumu hentaw ton gel nmoem hlanem bè boluy Jisas, yóm tóbóng lówóhem, yóm laen dù belenen.”

Kul Nmò 3:16

Tódô lemwót bè kfasang yóm kun boluy gónón baling wen kgisen mdà nim tau ni. Deng hónô tngón ye yóm tehe kkihoden, ne deng ton ye snéen yóm deng kkóhen, hlan me bè boluy Jisas. Tódô lemwót bè kehtahu me bè Jisas gónón bud baling hyu nim tau ni. Deng gotu ton ye se nim ni.

Kul Nmò 9:34

Mudél ebéléen Pitér, monen, “Ó Wè Aniyas, Jisas Krays fen hkó du béléem yóm desem. Btiki ne, ne hentifesem yóm gónóm hlilil.” Tahu se, tódô kendel hboluk btik Aniyas.

Kul Nmò 3:12

Timbow ton Pitér yó kem tey tau sguku ebélê le yó, ominen mon du mò kul, “Ó kem dumuhu tau Israél, moen de ke alì hentaw ye yóm deng kgógów nim tau tehe kihod ni? Mò ye alì hemtaw temngel kum du? Ilóem ofo kuy kô ke lemwót bè kum kegbek yóm kmò me du nim ni, duhen ke lemwót bè kum kehyu kmò? Là kô yó du.

Mark 5:23

ya tey kehkoduhen béléen, monen, “Ó Sér, tey leed desen yóm ngau libun. Holi mung dou bè gónóu nam e nnok dou anì tódô mkó tum desen, ne anì bud mowil.”

Kem Lingón 91:13

Angat gotu ndaem lu elaan yó kem liyun ne yó kem ulal, balù nô klóbô yó kem liyun, ne balù nô kalas yó kem ulal.

Sulat Pol Ebè Yó Kem Tau Hemtahu Bè Rom 16:20

Tek són Dwata gónón lemwót yóm kenek nawa tekuy. Là buden legen ne yóm kdaen ke Seitan elaan anì laen dù bud gmoen bélê ye. Yó hem gónó tekuy mogot Jisas Krays hol seflós tmóbóng kuy.

1 Kurin 12:9

Ne wen se yóm tau benlay Tulus Dwata khulung smalig ke Dwata, ne wen se yóm tau benlayen ktued hkó des.

Kul Nmò 4:10

hyu se ke tngón ye, ne hyu snéen ke tngón yó kem kdéen tau Israél. Yó gónón baling hyu nim tau tehe kihod mdà bè solu ye ni, tódô lemwót bè kfasang yóm kun boluy Jisas Krays lemwót bè Nasarit. Du se yóm deng tehe htutuk ye bè kros ne matay, okóm deng bud hlowil Dwata.

Kul Nmò 4:22

Yóm tau kihod yó, deng mukas fat folò halayen ne kegenen tau.

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”