Mark 16:17 - Udél Dwata: Gna Kesfasad ne Lomi Kesfasad

¹⁷ Yó kem tau hemtahu béléu,” mon Jisas, “angat wen ktued blay Dwata kul anì wen hentaw ton nmò le. Angat gbek le hdó busaw bè yó kem tau lengel mata hlan le bè dou boluy. Ne angat gbek le tódô mudél yóm udél là deng kul dnalang du.

Mark 16:17 Referans Kwoze

Kul Nmò 5:16

Balù yó kem tey tau wen lemwót bè yó kem dumu benwu hmilol Jirusalim, gotu nwit le ebè yó yó kem tau gemnóm des, ne yó kem tau wen busaw malak kul. Ne tódô kdê le se gotu hyu.

1 Kurin 12:28

Bè yóm kdê tekuy deng hemtahu, wen yóm hmò Dwata tekuy, yóm ket tekuy na sotu. Yóm hol tanayen, néléken yó kem tau mò gel hógówen. Gewuhen, wen se kem tau néléken mò gel tugoden. Getluhen, wen se tau néléken mò gel tmolok yóm kun udél. Ne wen se benlayen kegbek mò du yóm hentaw ton. Ne wen se benlayen ktued hkó des, ne tólóng se benlayen khulung tmóbóng kem dumun. Ne wen se benlayen khulung malak kem dumun. Ne tólóng se benlayen khulung tódô mudél ebéléen bè tólóng udél là deng kun tngón du.

1 Kurin 12:10

Ne wen se yóm tau benlay Tulus Dwata kfasang mò yó kem hentaw ton. Ne wen se tau benlayen khulung tmugod yóm Udél Dwata. Bud wen se benlayen khulung milô yóm lemwót bè Tulus Dwata duhen ke là. Ne wen se benlayen khulung tódô mudél ebè Dwata bè tólóng udél baluen ke là tngónen du lanen. Ne wen se tau benlayen khulung bud tmugod du lanen yóm udél yó.

Kul Nmò 8:7

Balù yó kem busaw malak yó kem tau gotu hdóhen lu. Bè yóm gel kehdóhen kul, ya tey sidek klangat le. Ne tey dê se kem tau deng matay sfu lówó le, ne yó kem tau kihod, gotu le tódô bud hyu.

Kun Snulat Luk 10:17

Legen udì bè yó, bud mulék yó kem hitu folò lewu deng hógów Jisas yó, ya tey kehligal le, mon le mò ke Jisas, “Là bangen du, Sér, yó kem busaw tódô le gotu mdó, botong kimón le kum lan me gel moluy kóm.”

Kul Nmò 10:46

Tódô gungol le lu mudél bè yóm udél là deng kul dnalang du, ne gungol le snéen yóm tey kdóyón le ke Dwata. Omin Pitér mon du mò yó kem dumuhen, monen,

Kun Snulat Jan 14:12

Tódô tulónu kuy ktahuhen,” mon Jisas, “yó se tau hemtahu béléu, du tles bud gel mò du yóm dou gel nmò. Angat mkay senta ni he kem dou nmò yóm kun angat nmò abay se muléke ebè Mà.

Kul Nmò 19:6

Omin Pol mnok kul. Tódô sut bélê le se yóm Tulus Dwata, ne sket le mudél bè yóm udél là deng kul dnalang du, ne tódô gotu tulón le se yóm deng hetngón Dwata kul.

1 Kurin 14:2

Yóm tau tódô hulung mudél ebè Dwata bè yóm tólóng udél là deng kun tngón du, són bè Dwata gónón e mudél, là ebè dumu tau du, abay se là kô wen dumu tau temngón du yóm udélen. Tódô hudél yóm Tulus Dwata, bede gbuni yóm lanen.

1 Kurin 12:30

duhen ke hkó des, duhen ke hulung mudél ebéléen bè tólóng udél, duhen ke hulung gmileb du lanen yóm udél le yó.

1 Kurin 13:1

Baluen ke hulunge mudél yóm kul udél yó kem dumu tau te tonok, ne baluen ke hulunge mudél yóm kul udél yó kem hógów Dwata gu bè longit, tedu se bang gónóhen e kól yóm kenhulungu yó ke là bong nawahu kem dumuhu? Hol lómón yóm uni blówón duhen ke uni blanting laen kô dù mdengen bnoluyen.

Kul Nmò 16:18

Hilu kdawen tendo gel semsulit du yóm monen yó efet tmakas Pol. Tódô beklil ebéléen, monen ebè yóm busaw malak du, “Lemwót bè kun boluy Jisas Krays, mdóhi béléen yóm ngà libun nalakem ni.” Tahu se, sen-gengen se tódô mdó béléen yóm busaw malak du.

Mark 9:38

Ne mudél se ke Jan, monen, “Ó Sér, wen tau ton me gbót hdó busaw bè yóm tau wen busaw malak du hlanen bè boluyem. Okóm bnólów me, abay se là kut kwen du.”

Kul Nmò 2:33

Ne ni deng tey kehegeta Dwata du, yóm Maen bè longit. Deng hyónen fi bè kwananen, ne deng blayen du yóm tehe fasaden béléen, duhen yóm kun Tulus. Ne tódô bud heflós Jisas ebélê me se kum yóm Tulus Dwata yó, duhen ni sem deng ton ye bélê me ni, ne deng gungol ye.