Mark 16:15 - Udél Dwata: Gna Kesfasad ne Lomi Kesfasad

¹⁵ Omin Jisas bud mon du mò kul, “Mógów ye do ebè klamangen benwu, na ye e tulón bè kdéen tau yóm Tulón Hyu lemwót bè Dwata.

Mark 16:15 Referans Kwoze

Matyu 28:19

Yó gónóm mon, mógów ye do ebè kdéen but tau bè klamangen benwu anì baling le tau lemolò do. Bnabtays ye lu hlan ye bè boluy Dwata, yóm Mà tekuy, ne bè boluy yóm Ngaen ne bè boluy yóm Tulusen.

Mark 13:10

Bede nan glalag bè kdéen tau bè klamangen benwu he yóm Tulón Hyu yó, ominen yó kól yóm hol són kdaw.

Kul Nmò 1:8

Okóm ke deng sut bélê ye yóm Tulus Dwata, angat wen se kuy kfasang, ne angat sensból ye bè Jirusalim yóm deng nmou, bud senged se bè klamang prubinsya Judiya efet kól etu bè klamang prubinsya Samarya, ngangen efet lenngeben klamang benwu.”

Kem Lingón 96:3

Hol heglalag tekuy bè yó kem dumu tau yóm tey kegetahen, ne yóm tey kegbeken lem blóng yóm kdéen tau.

1 Jan 4:14

Deng hol ton me se kum yóm deng khógów yóm Mà tekuy bè longit yóm kun Ngà mò lemwà tekuy gu lem hatay, ne ni se yóm gel tulón me.

Kun Snulat Jan 15:16

Là kô yu du mélék do, ou se fen mélék kuy. Yó gónóhu mélék kuy mò hógówu anì hol ye mungu, yóm kbungu laen kô dù tul sónen. Ke ni se nmò ye, balù kihu hni ye bè Mà mlan bè dou boluy, tódô blayen kuy.

Kun Snulat Jan 20:21

Ne bud mon Jisas mò kul, “Dwata he hol henek nawa ye. Lómón yóm tehe khógów Mà do, hol lómón yó se bud khógówu kuy.”

Kulasi 1:23

Song tahu eta ye nim ni ke là monol nawa ye bè yóm kehtahu ye. Yó gónóm mon, hbegel ye yóm kehtahu ye anì là sliwo kehedem ye du yóm hendón nefet nawa ye lemwót bè yóm Tulón Hyu deng gungol ye. Nim Tulón Hyu monu ni, deng gefet bè kdéen tau bè klamangen benwu ne, ne ou Pol sotu tóbóng lówó Dwata mò fen heglalag du.

Sulat Pol Ebè Yó Kem Tau Hemtahu Bè Rom 16:26

Okóm nim kmoen ni, deng hetngón Dwata hlanen bè yóm deng snulat yó kem tehe tugoden ekni. Yó hol hmò Dwata kum, hol hetngón me nim tulón ni ebè kdéen tau bè klamangen benwu anì hemtahu le, ne nimón le snéen. Ni se hol kun kóyô yóm Dwata laen dù tul katayen.

Sulat Pol Ebè Yó Kem Tau Hemtahu Bè Rom 10:18

Bede wen snólóku. Là deng gungol kem tau Israél du kô nim tulón ni? Deng gungol le ne. Lómón yóm monen bè Sulat Dwata, monen, “Deng kem tehe gungol kdéen tau te tonok ne. Deng tódô gefet bè klamangen benwu yóm ktulón le du.”

Kem Lingón 22:27

Angat gtulón nawa le Dwata yóm kdéen tau bè klamangen benwu. Gotu le semfulék ebéléen yó kem tau lemwót bè ket benwu talak tonok, Kdéen kay but tau talak tonok, gotu le tmaba ebéléen.

Isaya 45:22

Beklil ye ebéléu dé anì lenwau yu, yu kem tau bè klamangen benwu. Tek són ou yóm Dwata, laen dù dumuhen.

Deng Hegfan 14:6

Kogolen bè yó, tódô tonu yóm sotu hógów Dwata móyóng hegeta te kmawang. Yó nmoen, tulónen yóm Tulón Hyu laen dù sónen lemwót bè Dwata. Tódô kentihen tau bè klamangen benwu gónón e gefet yóm tulónen yó, tódô gefet bè ket but tau, bè ket kay udél, ne bè ket ból tau.

Kulasi 1:6

Yóm Tulón Hyu yó, tódô senflósen tmóbóng tau ne tódô senflósen se mból ebè yó kem dumu benwu. Hol lómón se yóm deng gendengen lem blóng ye lemwót bè yóm hol tanay kdaw kungol ye du yóm kun tóbóng Dwata, ne yóm kegnóm ye yóm kehyuhen bélê ye.

Ifisus 2:17

Duhen yó, yó gónón sut Krays anì hetngónen tekuy yóm Tulón Hyu mò lan tekuy mit sefyu ebè Dwata. Hetngónen kuy yu kem tau là Ju le, kem tau tehe mayuk bè Dwata. Bud hetngónen kum mi kem tau Ju, kem tau tehe moni béléen.

Isaya 49:6

Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”

Kem Lingón 98:3

Deng hendemen yóm tehe fasaden yó kem tau Israél, duhen yóm kbong nawahen kul ne yóm kteneben bélê le. Deng ton klamangen benwu yóm khewaen kum yóm kum Dwata.

Isaya 52:10

Angat hlan Dwata bè kfasangen yóm kehewaen yó kem tauhen. Angat kdéen benwu bè klamangen, gotu mton du.

Kul Nmò 1:2

efet kól bè yóm kdaw khawayen ebè longit. Okóm yóm gu laanen là deng haway ebè longit, wen hloloen yó kem tau tehe néléken mò mit yóm kun tulón. Yóm hloloen kul yó hlanen bè yóm Tulus Dwata mò fen hetngón du kul.