Mark 16:14 - Udél Dwata: Gna Kesfasad ne Lomi Kesfasad

¹⁴ Bè hol són yóm kehegfan Jisas, tódô sut lem blóng yó kem sfolò sotu dù gel lemolò du bè yóm igò le tolo mken. Nudélen lu lemwót bè yóm là kehtahu le, ne lemwót bè yóm kgel kulu le, yó gónó le alì hemda du yóm tulón yó kem tau deng mton yóm bud klowilen.

Mark 16:14 Referans Kwoze

1 Kurin 15:5

Bè yóm deng bud klowilen, nan gna hegfan bè Pitér, ominen yó bud hegfan bè yó kem sfolò lewu gel hógówen.

Deng Hegfan 3:19

Yó kem tau kenbong nawahu, sal gel bnólówu ne tnafaku lu anì gulit le. Duhen ni, hol knogol ye ne yó kem salà gel nmò ye.

Kun Snulat Jan 20:27

Ominen mon du mò ke Tumas, “Ó Tumas, ni hnénégem hólólu, ne duem bè haliu tdokem. Ne bud duem bè sol halì bè klabihu yóm hólólem. Béem bud hegewu nawahem, hol hentahuhem ne yóm deng klowilu.”

Matyu 11:20

Omin Jisas mudél kul yó kem tau bè yó kem benwu tehe gónóhen gel mò du yó kem dê hentaw ton gel nmoen, abay se là kô le hegsel, ne là kô knogol le du yó kem sidek gel nmò le.

Kun Snulat Luk 24:25

Ne bud mudél ebélê le Jisas, monen mò kul, “Tey kem tau là hulung hedem nim yu. Tey mima bélê ye hemtahu du kdê yó kem tehe gel tulón yó kem gna tugod Dwata ekni.”

Mark 7:18

Mon Jisas, “Laen dù tngón ye se kuy senta yó kem dumu tau. Ilóem là tngón ye du kô balù kihu sungit yóm tau, là kô yó du mit du là mólós bè Dwata?

Matyu 17:20

Mon Jisas se, “Abay se tolo udì kehtahu ye. Tódô tulónu kuy ktahuhen, ke bnotù tekuy yóm kehtahu ye, anien ke olon senged bè kutit yóm lem hulu boluyen mustard, botong gbek ye tódô mon du bè yóm bulul nii, ‘Milihi etuu.’ Nénégem kà tódóen mili. Laen kô dù là gbek ye du.

Lista 14:11

Yó udél Dwata ebè Musis, monen, “Deng tódô senflós le kembê do ni kem tau ni. Tódô senflós le là smalig do igoen deng tey dê hentaw ton nmou lem blóng le.

Matyu 28:17

Timbow ton le Jisas bè yó, ya tey kdóyón le du. Okóm wen se bélê le tolo megewu nawa le du yóm deng bud klowilen.

Kun Snulat Luk 24:11

Okóm là kô dog hentahu le du yó kem tehe hógów Jisas yó, ofo kul ke tódô kem kul lenbù tulón.

Kun Snulat Jan 20:25

Ne gotu tulón le du, mon le, “Deng ton me ne yóm gónó tekuy mogot.” Mon Tumas se kun, “Ke là naw na ton du yóm lan tutuk lem hólólen, ne ke là naw na ndù du tdok, ne ke là naw na sù du elem tum sol halì bè klabihen hólólu, là kô naw e hentahu du ke deng mowil.”

Kun Snulat Jan 20:26

Tikóng deng gefet sotu fedyanen bè yó, gotu le bud stifun yó kem gel lemolò du, nô bélê le Tumas. Deng bud hen-get le bak tikeb le. Tódô bud hetnga sut lem blóng le Jisas, monen mò kul, “Dwata he hol henek nawa ye.”

Kun Snulat Jan 21:1

Sotu kdaw bè yó, bud hegfan Jisas bè yó kem gel lemolò du ditu bè Lanaw Tibiryas. Ni sii yóm kmò kehegfanen bélê le.

Kun Snulat Jan 21:14

Ni se deng getlu dulék Jisas hegfan bè yó kem gel lemolò du kogol yóm deng klowil Dwata du gu lem hatay.

Kul Nmò 1:3

Kogol yóm deng katay Jisas, botong fat folò kdawen tendo hton bélê le anì là buden megewu nawa le du yóm deng klowilen. Hol tógó mata le mton du, ne gel tulónen kul yóm kmò kogot Dwata tau.