Biblia Todo Logo
Bib sou entènèt

- Piblisite -




Mark 15:46 - Udél Dwata: Gna Kesfasad ne Lomi Kesfasad

46 Tódô lemwót Jusif bè yó na a bemli yóm kumù bukay, ominen bud mulék etu bè yóm benwu gónó le hmatay ke Jisas. Tódô nwahen elaan yóm lówóhen, ne lenambungen yóm kumù bukay. Ominen yó meted du bè yóm kilib deng tehe eles hokolen bè but léhék, ne bè yó gónón lembeng du. Ne wen botu bong hluyen ebè yóm bak lebeng mò sengen.

Gade chapit la Kopi




Mark 15:46
12 Referans Kwoze  

Bè yóm kebeng le du, homong lebeng le bè yó kem tau mulé udin ne bè yó kem tau kwasa. Yó se kmò le du balù yóm klaen dù salaen ne balù yóm klaen dù kéngen.”


Timbow le lemwót bè yó, mógów le ebè yóm gónó le lembeng ke Lasarus. Ya tey sidek kegbeng lem Jisas se kun. Deng wen kilib nokol le bè but léhék ne bè yó gónó le lembeng du, ne wen botu seng le du yóm baken.


Kewót Jusif bè yó, mógów ebè tum gónó Jisas nô, ne nahen elaan yóm lówóhen, ominen bmaus du yóm nes bukay. Tódô suen bè yóm léhék deng eles nokol le mò gónó lembeng. Hanà yó he yóm kwen tau na le e lebeng du yóm kilib yó.


Timbow le kól ditu, tódô mbel tey linol bong. Ne wen hógów Dwata htuntun gu bè longit sut bè yó, tódô hluyen yóm botu seng bè bak lebeng, ne tódô bud myón tahen.


Timbow gungolen bè yóm kfitan yóm deng katayen, ominen hemlus du ke Jusif yóm lówó Jisas.


Ne ton yóm Midi lemwót bè Megdala, ne yóm sotu Midi yê yóm sotu Jusif snéen yóm gónón lembeng ke Jisas.


Tahu se, kó le yóm botu seng bè bak lebeng. Omin Jisas temngel eta bè longit, ne monen, “Koduhem, Mà, yóm gel khungolem do.


Timbow hanà minal mwas bè Akad, lemwót yóm sotu Midi lemwót bè Megdala na a mógów ebè lebeng Jisas. Bè yóm kkólen ditu, tódô tonen yóm bak lebeng deng mom sana hnas, là buden nô du yóm botu tehe seng le du.


Swiv nou:

Piblisite


Piblisite